Rubavu: Abanyamuryango 1,043 bashya barahiriye RPF Inkotanyi, abatishoboye bararemerwa

Mu muhango wo kwizihiza isabukuru (Congres) y’imyaka 35 Umuryango RPF-INKOTANYI umaze ubayeho, mu murenge wa Busasamana ho mu karere ka Rubavu harahijwe abanyamuryango bashya 1,043 ndetse haremewe abanyamuryango batishoboye Inka 5 n’Intama 7, hanamurittse ibindi bikorwa byagezweho muri uru rugendo.

Muri uyu muhango kandi hamuritswe ibyagezweho mu ma cooperative y’abahinzi b’ibirayi, cooperative zihinga imboga, n’Ishuri rya TVET.

Chairman w’umuryango FPR Inkotanyi mu murenge wa Busasamana Nkurunziza Félix, yagaragarije ubuyobozi bimwe mu bibazo abaturage bafite birimo imyubakire, umusaruro w’ibitunguru wabuze isoko n’imbuto y’ibirayi yabuze.

Ati ”Ubwo Abadepite badusuraga banenze imyubakire itajyanye n’igihe natwe tubagaragariza ko biterwa n’itaka rya hano ritabasha kubaka bikagorana kuko bisaba kujya kurikura mu yindi mirenge kandi rikaza rihenze.”

Yakomeje agaragaza ikibazo cy’abahinzi b’ibitunguru babuze isoko kandi umusaruro warabonetse ku bwinshi, hari n’ikibazo cy’imbuto y’ibirayi yabuze ku buryo bizagorana kubona umusaruro muri iri hinga aaba ko bafashijwe ibi bibazo bigacyemuka bazamura imibereho y’abanyamuryango.

Kuri Kambogo Ildephonse, chairman w’umuryango FPR Inkotanyi mu karere ka Rubavu asanga abaturage bamaze kumva ibikorwa by’umuryango.

Ati “Kurahiza abanyamuryango barenga igihumbi mu murenge bivuze ko abaturage bamaze kumva ibikorwa ibikorwa byawo kubera ibikorwa byawo byibanda ku gufasha abaturage.”

Kambogo Ildephonse akomeza ashimira umurenge wa Busasamana kubwo kwirindira umutekano bifasha abaturage kwishyira bakizana n’ibintu byabo, kandi batirengagije n’umutekano w’igifu kuko bahinga bakeza, yabasabye kandi kwirinda kwambuka umupaka banyuze mu nzira zitemewe kuko abanyamuryango bashya bagomba kumva amahame y’umuryango harimo niryo kudahungabanya umutekano.

Ku kibazo cy’ibura ry’isoko ku bihingwa bimwe na bimwe avuga ko kiri guhabwa umurongo binyuze mu kudahingira rimwe, gusimburanya ibihingwa.

Yabashimiye kandi uburyo bicungira umutekano, no kutagira Ingengabitekerezo ya Jenoside. Yabagiriye inama yo gukomeza ibikorwa bibateza imbere nk’uko Umuryango wa RPF Inkotanyi ubibifuriza, ndetse bagaharanira guhora ku isonga muri gahunda z’umuryango n’iza Leta.

Abanyamuryango batishoboye baremewe Inka 5 n’Intama 7
Abanyamuryango bashya 1,043 barahiriye kwinjira muri RPF Inkotanyi

Subiza ku gitekerezo

Your email address will not be published. Required fields are marked *