Rubavu: Umuryango w’umusore warashwe na Polisi wanze kumushyingura

Inshuti n’abaturanyi, abo mu muryango ba Ishimwe Prince uherutse kuraswa na Polisi, bateye utwatsi amagambo aherutse gutangazwa na Polisi ko yari igisambo, ibi bikaba byatumye umuryango we wanga kujya gufata umurambo we mu buruhukiro ngo bawushyingure inzego zamwishe zitarabagaragariza ibimenyetso by’uko umwana wabo yari igisambo.

Abo mu muryango wa Ishimwe Prince baganiriye na Rwandanews24 batangaje ko impamvu banze gufata umurambo w’umwana wabo ngo ushyingurwe ari uko Polisi yamurashe itarabaha ibimenyetso by’uburyo umwana wabo yari umujura.

Umwe yagize ati “Turasaba ko hakorwa iperereza ryimbitse tugahabwa ibimenyetso bifatika bigaragaza ko umwana wac yari umujura, kuko yarashwe ubwo yari avuye kureba umupira ari kumwe n’abandi bana bahura n’imodoka ya Polisi irabahagarika abana bakwirwa imishwaro bariruka ahungira kwa Nyirasenge, ari naho yarasiwe ubwo yarimo yurira urupangu ngo ajyemo imbere.”

Ngarambe Eliphase, Umubyeyi wa Ishimwe Prince avuga ko bafashe umwanzuro wo kurega Polisi yabarasiye umwana imushinja kuba igisambo ndetse bakaba banze gufata umurambo ngo bawushyingure batarahabwa ibyo bimenyetso bizagaragazwa n’ubugenzuzi bwimbitse.

Ati “Ntabwo umwana tugomba kumushyingura Polisi yamurashe nta ruhare ibigizemo, yari umwana w’inyangamugayo haba mu muryango no mu baturanyi, bakwiriye kubanza bakatwereka icyuma bavuga ko bamusanganye ndetse bakanagaragaza undi mwana bari kumwe kuri ubu ufunzwe agatanga ubuhamya bw’ibyabaye, twafashe umwanzuro wo gukora ikirego tukarega Polisi kugira ngo guhabwe ubutabera.”

Ngarambe Eliphase, Umubyeyi wa Ishimwe Prince uherutse kuraswa na Polisi avuga ko banze kumushyingura Polisi itarabaha ubusobanuro bw’imbitse bw’impamvu bamurashe

Abo mu muryango wa Ishimwe Prince bose icyo bavuga nuko umwana wabo yarenganye, ndetse ko batazamushyingura bataramenya icyo umwana wabo yazize.

Inkuru y’urupfu rwa Prince Ishimwe yamenyekanye kuri uyu wa 07 Nzeri 2022 ndetse yemezwa n’Umuvugizi wa Polisi mu ntara y’Iburengerazuba, CIP. Mucyo Rukundo.

CIP. Mucyo ati “Umujura witwa Ishimwe Prince yarashwe arapfa ubwo yageragezaga gushaka kurwanya inzego z’umutekano akoresheje icyuma.”

CIP Mucyo yakomeje avuga ko uyu mujura yarashwe mu ijoro ryo kuwa 06 Nzeri, nyuma y’uko abashinzwe umutekano bari ku burinzi bakumva umuntu arimo gutaka kuko yarimo anigwa n’ibisambo bibiri, ubwo batabaraga bose birutse, nibwo uyu Ishimwe Prince ukekwaho kuba igisambo yuriye hejuru y’inzu kuko yari afite icyuma agashaka kurwanya inzego zishinzwe umutekano baramurasa arapfa.

Amakuru Rwandanews24 yamenye ni uko uyu Ishimwe Prince yari afite imyaka 18, akaba yari asoje amashuri yisumbuye gusa akaba yakoraga akazi ko gutanga indirimbo ni amafirimi ibizwi nk’ubudije.

Inkuru bifitanye isano:

Nubwo Ishimwe Prince atarashyingurwa, abo mu muryango we bateraniye iwabo mu kiriyo basaga 100

COMMENTS

  • Mbega Ni agahinda gusa

  • Ni agahinda pee! Umuryango wanya kwigendera,ukomeze kwihanga!!!! Hakomeze gukorwa ibishoboka kugirango uwomuvandimwe ashyingurwe! Rest in peace to prince.

  • Please Post Your Comments & Reviews

    Your email address will not be published. Required fields are marked *