Gasabo: Umugabo yasanzwe mu nzu ahambirijwe supanet yapfuye

Mu karere ka Gasabo, Umurenge wa Kinyinya haravugwa urupfu rw’umugabo witwa Nsekanabo Valens wacururaza akaduka k’ibiryo bita “Kantine” bikekwa ko yishwe n’umukozi wamufashaga mu kazi.

Umugore w’uyu mugabo n’abandi batangabuhamya baravuga ko mu rukerera rwo kuri uyu wa gatatu basanze umurambo wuzuye amaraso uhambiriye mu nzitiramibu, barasaba ko ubutabera kugirango abakozi ubu bwicanyi bafatwe bahanwe.

Ubuyobozi bw’umurenge wa Kinyinya, bwemeje iby’aya makuru ariko bugasaba ko abaturage babanza kumenya imyirondoro y’abakozi babo dore ko uyu mugabo nta myirondoro yigeze yerekana.

Ahagana saa kumi nimwe zo mu rukerera rwo kuri uyu wa gatatu, Tariki ya 17/8/2022 nibwo amakuru y’urupfu rw’umugabo witwa Nsekanabo Valens w’imyaka 32 y’amavuko yatangiye kumvikana mu mu mudugudu wa Binunga. mu kagali ka Murama, umurenge wa Kinyinya ,mu karere ka Gasabo.

Ubusanzwe uyu nyakwigendera yakoreraga akazi muri karitsiye yitwa mu Ntama ari naho yari amaze iminsi arara ariko umuryango we ukaba haruguru gato muri karitsiye yitwa Murwibitenge.

Umugore wa Nyakwigera aravuga ko mu gitondo nk’ibisanzwe yabyukiye ku kazi ariko agatungurwa no kubona ku kaduka kabo yafunze n’abakiriya babuze ubakira mu saha yabaga arimo gukora.

Uyu mugore avuga uko byagenze kugirango babone umurambo wa Nyakwigendera mu nzu uzingiye mu nzitiramibu kandi wuzuye amaraso.

Abavandimwe , inshuti n’abaturanyi ba nyakwigendera barakeka ko uyu mugabo yishwe mu kagambane k’umukozi yakoreshaga dore ko bari bamaze iminsi bararana kuri ako kaduka,aba baturage n’umugore we barasaba ubutabera kugirango abagize uruhare muri uru rupfu bahanwe.

Amakuru avuga ko uyu mugabo yari yarafashe umwanzuro wo kurara muri kantine ye kubera ko yarimo agendwa bunono n’abagizi ba nabi bagambiriye ku mwica,uyu nyakwigendera yari amaze kurusimbuka inshuro ebyiri bamutegera mu nzira none kuri ubu baramuhitanye.

Ubwo twataraga iyi nkuru umurambo wa Nyakwigendera wahise ujyanwa ku bitaro bya Kacyiru kugirango harebwe icyamuhitanye.

Uyu wari umukozi we ukekwa kuba afite akaboko muri uru rupfu yaburiwe irengero,Nyakwigendera asize umugore umwe n’abana batatu.

Please Post Your Comments & Reviews

Your email address will not be published. Required fields are marked *