Rutsiro: Umusore yaguwe gitumo arimo gusambanya intama y’umuturanyi

Umusore witwa Iyakaremye Tuyizere w’imyaka 17 wo mu karere ka Rutsiro yaguwe gitumo arimo gusambanya intama y’umuturanyi aho yari iziritse mu gisambu.

Ibi byabaye kuri uyu wa 15 Kanama 2022, mu masaha ashyira saa kumi n’ebyiri z’umugoroba, mu murenge wa Rusebeya, akagari ka Remera ho mu mudugudu wa Shyembe.

Umuturage wahaye Rwandanews24 aya makuru wari aho ibi byabereye yadutangarije ko uyu musore intama bamufashe arimo gusambanya ari iy’umuturanyi we witwa Nziguheba Theogene.

Uyu muturage waduhaye amakuru kandi yaduhamirije ko uyu musore nyuma yo gufatwa yemereye ubuyobozi bw’akagari ka Remera buri kumwe nubw’umudugudu ko yayisambanyije.

Ubu buyobozi akimara kubwemerera ko yabikoze bukaba bwahise bufata umwanzuro wo kumushyikiriza Sitasiyo ya Polisi ya Rusebeya mu gihe iperereza rigikomeje.

Rwandanews24 mu nshuro zose twagerageje guhamagara Ntihinyuka Janvier, Umunyamabanga nshingwabikorwa w’Umurenge wa Rusebeya ntiyabashije gufata terefone n’ubutumwa bugufi twamwandikiye ntiyabashije kubusubiza kugeza ubwo twakoraga iyi nkuru.

Mu gitabo giteganya ibyaha n’ibihano mu Rwanda gusambanya itungo bihanishwa ingingo y’186 yo mu gitabo cy’amategeko ahana y’u Rwanda.

Iyo uwabikoze abihanijwe n’Urukiko, ahanwa bingana n’igifungo kuva ku mezi atandatu kugeza ku myaka ibiri.

Ibiro by’Akarere ka Rutsiro

COMMENTS

  • Umuntu wigereranya ni nyamaswa akeneye ubuvuzi ku bibazo byo mu mutwe!
    Akeneye abamufasha

  • AvatarHAVUGIMANA Jean D'amour August 15, 2022 At 9:28 pm

    Mbega birakabije rwose
    Nahamwa nicyocyaha rwose ahanwe n’amategeko.

  • Please Post Your Comments & Reviews

    Your email address will not be published. Required fields are marked *