Umugabo yishe Umwana w’imyaka 2 avuga ko yamwitiranyije n’urukwavu

Umugabo wo mu ntara ya Cap-Skirring muri Senegal, uri mu kigero cy’imyaka mirongo itatu yishe umwana w’umukobwa w’imyaka 2 usanzwe ari mubyara we amwitiranyije n’urukwavu kubera ingaruka z’ibiyobyabwenge yari amaze kunywa.

Uyu mugabo avuga ko yabonye uyu mwana agira ngo n’urukwavu niko kumuhitana.

Uyu musore ngo yabyutse mu buryo butunguranye ajya gufata imiti. Nyuma y’iminota mike yasubiye mu cyumba, afashe umurambo wa mubyara we w’imyaka ibiri, Absa Mbengue.

Uyu musore yiciye uyu mukobwa w’imyaka 2 mu bwiherero bw’inzu ifatanye n’iy’umuryango wabo. Yatawe muri yombi na polisi avuga ko yitiranyije uyu mwana n’urukwavu.

Ati “Niciye urukwavu mu musarani, ntabwo nishe umuntu. Icyo gihe ntabwo nari ndwaye, ariko ndemera ko ndwaye indwara zo mu mutwe. Ndahakana ibyo nshinjwa “.

Umushinjacyaha mukuru yasabye ko uyu mugabo ahabwa igifungo cya burundu mu gihe umwunganizi we yasabye ko umukiriya we ataryozwa icyo cyaha kuko afite uburwayi bwo mu mutwe bwamuviriyemo gufungirwa mu bitaro by’indwara zo mu mutwe bya “Kenya” i Ziguinchor.

Please Post Your Comments & Reviews

Your email address will not be published. Required fields are marked *