Hashyizweho Minisiteri y’Ishoramari rya Leta mu Rwanda

Eric Rwigamba yahoze ari Umuyobozi ushinzwe Iterambere ry'Urwego rw'Imari muri Minisiteri y'Imari n'Igenamigambi

Kuri uyu wa Gatandatu tariki 30 Nyakanga 2022, Ibiro bya Minisitiri w’Intebe byasohoye itangazo rigaragaza impinduka muri Guverinoma zakozwe na Perezida wa Repubulika, Paul Kagame, aho Dr Eric Rwigamba yagizwe Minisitiri w’Ishoramari rya Leta, ikaba ari Minisiteri nshya.

Izo mpinduka Umukuru w’Igihugu yazikoze ashingiye ku ngingo za 112 na 116 z’Itegeko Nshinga rya Repubulika y’u Rwanda.

Mu zindi mpinduka, uwari Umunyamabanga wa Leta muri Minisiteri y’Ubuhinzi n’Ubworozi, Dr Jean Chrysostome Ngabitsinze, yagizwe Minisitiri w’Inganda n’Ubucuruzi, akaba asimbuye Beata Habyalimana wari umaze imyaka mike ku buyobozi bw’iyo Minisiteri (MINICOM).

MINICOM kandi ni nayo yakuweho inshingano zo kureberera ishoramari, ryahise rishingwa Minisiteri y’Ishoramari rya Leta/Ministry of Public Investment and Privatization. Umunyamabanga Uhoraho muri iyo Minisiteri akaba ari Dr Yvonne Umulisa.

Umunyamabanga wa Leta muri Minisiteri y’Ubuhinzi n’Ubworozi wasimbuye Dr Jean Chrysostome Ngabitsinze, akaba ari Dr Ildephonse Musafiri.

Eric Rwigamba yahoze ari Umuyobozi ushinzwe Iterambere ry’Urwego rw’Imari muri Minisiteri y’Imari n’Igenamigambi
Dr. Yvonne Umulisa yagizwe Umunyamabanga Uhoraho muri Minisiteri ishinzwe Ishoramari rya Leta

Subiza ku gitekerezo

Your email address will not be published. Required fields are marked *

Translate »