Rutsiro: Amafaranga yagurishijwe inka yamuteye kwica se umubyara

Mu gitondo cyo kuri uyu wa 20 Nyakanga 2022 nibwo hamenyekanye amakuru y’urupfu rw’umusaza bikekwa ko yishwe n’umuhungu we agatorokana amafaranga ibihumbi 400Frw yari yagurishijwe inka.

Habimana Evariste ufite imyaka 20 y’amavuko arimo gushakishwa nyuma yo gukekwaho kuba yivuganye se umubyara witwa Ugirirabino Aloys w’imyaka 77 agatorokana amafaranga uyu muryango wari wagurishijemo inka mu gihe bateganyaga kuguramo indi iyisimbura.

Ibi byabereye mu karere ka Rutsiro, Umurenge wa Mushonyi ho mu kagari ka Rurara.

Mwenedata Jean Pierre, Umunyamabanga nshingwabikorwa w’umurenge wa Mushonyi yahamirije rwandanews24 aya makuru.

Ati “Nyina yagiye mu mirimo mu gitondo asiga se n’umuhungu basigara murugo, atahutse nibwo yasanze umusqza yashizemo umwuka agerageza gutabaza ariko basanga yatorotse ndetse atorokana ayo amafaranga bari bagurishimo inka mu gihe bateganyaga guhita bagurako indi nka.”

Ubwo twakoraga iyi nkuru Urwego rw’Igihugu rw’Ubugenzacyaha RIB rwari muri uru rugo ngo rukusanye ibimenyetso kugira ngo Ugiriwabo umurambo ujyanwe ku bitaro bya Murunda ukorerwe isuzuma mbere y’uko ushyingurwa

Mwenedata avuga ko nk’ubuyobozi ba babajwe n’ubu bwicanyi kuko butari busanzwe, akanakomeza avuga ko uyu mwana umuryango we wanagerageje kumushingira business igahomba, agasaba urubyiruko gukura amaboko mu mifuka bagakora kuko Leta hari byinshi byo kubafasha igenda ikora umunsi ku munsi, akanabasaba kutararikira ibyo batavunikiye.

Habimana Evariste ukekwaho kwica anize se umubyara arimo gushakishwa

COMMENT

  • Pingback: Rutsiro: Habimana ukekwaho kwica umubyeyi agatoroka yafashwe – Rwandanews24
  • Please Post Your Comments & Reviews

    Your email address will not be published. Required fields are marked *