Hashyizweho icyunamo cy’iminsi 3 yo kunamira José Edouardo

Igihugu cya Angola cyashyizeho icyunamo cy’ iminsi 3 yo kunamira José Eduardo dos Santos wabaye Perezida w’ iki gihugu mu gihe cy’imyaka 38, witabye Imana ku myaka 79 azize uburwayi kuri uyu wa gatanu taliki ya 8 Nyakanga 2022.

Eduardo dos Santos wabaye Perezida wa Angola yitabye Imana ku myaka 79, nyuma y’igihe cyari gishize arwariye mu bitaro by’i Barcelone muri Espagne.

Amakuru y’urupfu rw’uyu mugabo wayoboye Angola kuva kuva mu 1979 kugeza mu 2017 yatangajwe n’Ibiro bya Perezida wa Angola kuri uyu wa Gatanu tariki 8 Nyakanga 2022.

Eduardo dos Santos wari amaze iminsi ari muri koma yageze mu bitaro mu mpera mu kwezi gushize kwa Kamena.

Uyu mugabo yitabye Imana nyuma y’iminsi mike umukobwa we witwa Tchize Dos Santos atanze ikirego mu rukiko ashinja mukase (Ana Paula dos Santos) gushaka kwica se.

Yavuye ku buyobozi muri Angola mu 2017 asimburwa na Perezida Joao Lourenco.

Please Post Your Comments & Reviews

Your email address will not be published. Required fields are marked *