Ngororero: Abasaga 287 baravuga imyato Paul Kagame

Abaturage bo mu karere ka Ngororero hahawe ibikoresho n’impamyabushobozi z’imyuga bize bagera kuri 287 basoje amasomo muri 2020-2021, baravuga imyato Perezida w’u Rwanda Paul Kagame bavuga ko imvugo ye ariyo ngiro, aba n’abiganjemo abo mu cyiciro cya mbere n’icya kabiri cy’ubudehe batishoboye. Ubuyobozi bw’Akarere asaba abahawe ibikoresho kubibyaza umusaruro bikabafasha kwiteza imbere.

N’igikorwa cyabaye kuri uyu wa kane, tariki 23 Kamena 2022 mu karere ka Ngororero mu mirenge itandukanye.

Aba baturage basoje amasomo biganjemo abo mu cyiciro cya mbere n’icya kabiri by’ubudehe, aho bigishijwe imyuga itandukanye baturuka mu mirenge itandukanye baahawe ibikoresho bijyanye n’ibyo bize bazifashisha mugutangira kwikorera ngo bivane mu bukene.

Biganjemo abize Ubudozi (Tailoring); Gutunganya ibiryo binyujijwe mu nganda (Food Processing); gukora ibikomoka ku mpu; ubukorikori, guteka, ububaji, ubwubatsi, kuboha, Igikorwa cyo kubaha ibi bikoresho cyabereye mu mashuli y’imyuga ya Hindiro, Nyange no mu gakiriro ka Ngororero.

Abahawe ibi bikoresho akanyamuneza kari kose, bashimira nyakubahwa Perezida Kagame Paul bati “Ntituzamutererana kuko imvugo ye niyo ngiro. Umuyobozi wita ku banyarwanda bose harimo n’Abakene.”

Mukunduhirwe Benjamine, Umuyobozi w’Akarere ka Ngororero wungirije ushinzwe imibereho myiza yasabye aba baturage bahawe ibikoresho kubibyaza umusaruro ndetse bagashishikarira gukorana n’ibigo by’imari ngo babashe kwiteza imbere.

Ati “Turabasaba kubyaza umusaruro ubumenyi bahawe ndetse n’ibikoresho bahawe, bashishikarire gukorana n’ibigo byimari ndetse kwizigamira babigire umuco bagamije kurushaho kwiteza imbere.”

Mukunduhirwe kandi asaba aba baturage bahawe ibikoresho gukora umurimo unoze no gutanga serivisi nziza hagamije kuzamura umusaruro bagaharanira impinduka nziza bakazava mu cyiciro cy’ubukene bajya mu cyiciro njyabukire.

Mukunduhirwe avuga ko Igihugu kizagerageza gufasha aba baturage uko gishoboye kugira ngo bave mu cyiciro barimo cy’ubukene kuko hari gahunda zashyizweho nka VUP aho umuntu 1 ashobora guhabwa inguzanyo y’amafaranga ibihumbi 100.000 yunguka 2% mu gihe cy’Umwaka, naho abantu bishyize hamwe bashobora guhabwa Miliyoni 2 nta ngwate yihariye basabwa bivuze ko bahereye ku bikoresho bahawe bakwihangira imirimo bakazamura imibereho yabo.

Mu karere ka Ngororero biteganyijwe ikindi cyiciro cy’abatutrage 257 batishoboye nabo barimo kwigishwa imyuga muri uyu mwaka bazasoza amasomo.

Mukunuhirwe Banjamine, Umuyobozi w’Akarere wungirije ushinzwe imibereho myiza ashyikiriza imashini idoda umwe mubasoje amasomo
Abasoje amasomo y’imyuga bahawe impamyabushobozi baravuga Imyato Paul Kagame

Please Post Your Comments & Reviews

Your email address will not be published. Required fields are marked *