Rutsiro: Umugabo ukekwaho kwica umugore yatawe muri yombi agerageza gutoroka

Ibiro by'Umurenge wa Ruhango byabereyemo

Umugabo witwa Munyarukiko Jean w’imyaka 60 wo mu karere ka Rutsiro, yatawe muri yombi ubwo yageragezaga gucika, nyuma y’uko eketsweho kugira uruhare mu rupfu rw’umugore bari bamaranye iminsi ibiri babana. Ubyuyobozi bw’umurenge wa Ruhango bwahamirije Rwandanews24 aya makuru.

ibi byabereye mu karere ka Rutsiro, Umurenge wa Ruhago, Akagari ka Kavumu aho Munyarukiko asanzwe atuye, ariko akaba yashatse gutoroka afatirwa mu murenge bihana imbibi wa Mushonyi mu i santere ya Kayabaraza, Akagari ka Kaguriro.

Aya makuru yamenyekanye mu gitondo cyo kuri uyu wa 20 Kamena 2022 ubwo Munyarukiko yatabazaga abaturanyi bageza uyu mugore witwa Nyiramugisha Solange w’imyaka 31 ukomoka ahazwi nko muri Mahoko, Umurenge wa Nyundo ho mu karere ka Rubavu bari bamaranye iminsi ibiri munzu kwa Muganga yakumva ko yashizemo umwuka abo bari kumwe akagerageza kubatoroka ariko afatwa atararenga Umutaru.

Mpirwa Migabo, Umunyamabanga nshingwabikorwa w’Umurenge wa Ruhango yahamirije Rwandanews24 aya makuru avuga ko Munyarukiko yari amaranye iminsi ibiri uyu mugore akekwaho kwica.

Ati “Munyarukiko umaze igihe yibana munzu nyuma yo gutandukana n’Umugore we akaba yari yazanye undi babanaga bitemewe n’amategeko, kuko kuva kuwa 18 Kamena 20222 babanaga munzu, mu gitondo atabaza abaturanyi ko atameze neza bamujyanye kwa muganga bamugezayo yashizemo umwuka, undi abyumvise aratoroka, dutanga amakuru afatwa atararenga umutaru ashyikirizwa RIB.”

Mpirwa asaba abaturage kwirinda ibyaha, bagatangira amakuru kugihe, ndetse n’ugize umushyitsi akamenyesha inzego z’ibanze ku buryo umuhsyitsi aharara bizwi n’Ubuyobozi.

Mpirwa akomeza avuga ko umurambo wa nyakwigendera wahise ujyanwa ku bitaro bya Murunda kugira ngo ubanze ukorerwe isuzuma mbere y’uko ushyingurwa, mugihe Munyarukiko jean yahise ashyikirizwa Urwego rw’igihugu rw’ubugenzacyaha RIB Sitasiyo ya Ruhango.

Mu gitabo cy’Amategeko ahana y’u Rwanda mu ngingo ya 107 y’itegeko No 68/2018 ryo kuwa 30/08/2018, riteganya ibyaha n’ibihano mu ngingo ya 65 rivuga ko Munyarukiko aramutse ahamijwe n’urukiko icyaha cyo kwica yahanishwa igifungo cya burundu.

Ibiro by’Umurenge wa Ruhango byabereyemo

Subiza ku gitekerezo

Your email address will not be published. Required fields are marked *

Translate »