DRC: M23 yafashe umujyi wa Bunagana FDLR na MAI MAI bafashaga FARDC bahungira muri Uganda

Abarwanyi ba M23 bisubije ibice bagenzuraga bongera, gufata umujyi wa Bunagana mu gihe ingabo za  FARDC n’abafatanyabikorwa babo nka Mai Mai na FDLR bari guhungira muri Uganda.

Intambara ihinduye isura mu masaha abiri ashize aho abarwanyi Magana atandatu 600 bari baje gutera ingabo mu bitugu abarwanyi ba FARDC mu gace ka Tshanzu na Bungana, bakubiswe inshuro n’inyeshyamba za M23 amaguru bakayabangira ingata.

Amakuru aturuka Kiwanja avuga ko ingabo za Leta n’abafatanyabikorwa bazo ari bo FDLR CRAP, Mai Mai APCLS na Mai Mai CMC NYATURA ntako batagize ngo bagumane agace ka Tshanzu na Runyoni, ariko mu minota 45 ishize inyeshyamba za M23 zibashije kubanyura mu rihumye zigarurira umujyi wa Bunagana, FADRC ikizwa n’amaguru.

Ababyiboneye n’amaso, bavuga ko biboneye abarwanyi ba CMC Nyatura bari bayobowe na Col Janvier birukankira mu mashyamba no mu giturage aho bahungaga urufaya rw’amasasu yaraswaga na M23.

Abaturage ba Kiwanja kandi babwiye Rwandatribune ko M23 imaze gufata imbunda zo mu bwoko bwa BM ebyiri zari ahitwa Rwankuba.

Yaba ku ruhande rwa FARDC cyangwa urwa M23 ntawe uragira icyo atangaza ku ifatwa ry’umujyi wa Bungana gusa hari amakuru avuga ko ingabo za UPDF zaba ziri kwitegura kugira ngo zifashe FARDC kwisubiza umujyi wa Bunagana.

RwandaTribune

Please Post Your Comments & Reviews

Your email address will not be published. Required fields are marked *