Rutsiro: Hoteli y’Akarere yatangiye kwangirika itamaze kabiri

Bamwe mu bagana Hotel y’Akarere ka Rutsiro barashinja Komite Nyobozi kutayitaho, bakavuga ko ishobora kuzarinda igwa kubwo kuva cyane kandi ubuyobozi bwarabirebaga. Ni mu gihe Ubuyobozi bw’Akarere buvuga ko ikibazo cyo kuba Hotel iva bukizi ndetse burimo kugikurikirana.

Iyi hoteri yagombaga kuba yitwa GUEST HOUSE yubatswe hafi mu birometero 2 uvuye ku biro by’akarere ka Rutsiro kari i Congo-Nil, ikaba yarubatswe na Rwiyemezamirimo witwa HITIMANA Nathanael, uhagarariye sosiyete ya ECOFOHINA.

Iyi hoteri yatangiye kubakwa mu kwezi kwa Gatatu umwaka wa 2012 imirimo yo kuyubaka yagombaga kumara amezi 18 yagiye biguru ntege imara imyaka irenga 4 itaruzura.

Iyi Hoteri yagombaga kuba ifite ibyumba 32 byo kuraramo, amazu mato agera kuri 7 afite ibyumba 2 bur imwe ariko muri izi zose ntan’imwe ikoreshwa kuko zirava bikabije ndetse zarenzwe n’Igihuru, ikaba ifite Resitora nini, utubyiniro twabaye amateka, ubwogero (pisine) ntibwigeze bwibukwa kuko aho bwagombaga kujya hashyizwe Ubusitani, ndetse n’ubwotero no kunanura imitsi (Sauna Massage) iyi nayo yaribagiranye, ikaba yaragombaga kurangira kubakwa itwaye akayabo ka Miliyari 1 na miliyoni 128 z’amafaranga y’u Rwanda.

Nyuma y’iyi Ubuyobozi bw’Akarere bwateganyaga kubaka izindi Hotel iyagombaga gukurikiraho yagombaga kuba yitwa Golf Hotel, aya ma hoteri Akarere kagombaga kuzajya kayakodesha cyangwa kakayagurisha na ba Rwiyemezamirimo, ariko ibyo kubaka Hotel ya kabiri byarabaye inkuru.

Bamwe mubaganiriye na Rwandanews24 bavuze ko batunguwe no kuba Akarere gashora amafaranga ntigakurikirane aho kayashoye kandi ari imisoro y’Abaturage.

Nzabahimana Jean d’Amour, utuye mu karere ka Rutsiro, Umurenge wa Boneza avuga ko yakoze imirimo yo gusudira ibisenge n’Uruzitiro bya Hotel y’Akarere ka Rutsiro imyaka ikaba irenze 5 atarishyurwa ibihumbi birenga Magana 500Frw yakoreye, ibintu avuga ko Ubuyobozi bw’Akarere bwasoje manda bwabigizemo uburangare.

Undi muturage yagize ati “Ese ni gute Hotel iva ikagera aho ibyumba bimwe bifungwa ntibirarwemo nkaho itagira abayikurikirana, bategereje ko Umugenzuzi w’Imari ya Leta azabibabaza ngo babone kubikurikirana?”

Undi yagize ati “Uwazirikana ko ari imisoro y’Abaturage irimo kwangirika yatabarira hafi, kuko nibitaba ibyo bizarangira Hotel ihirimye, cyangwa ibure uyikodesha kandi bagakwiriye kuyisana cyangwa bakayigurisha nimbi kuyicunga byarabananiye.”

Havugimana Etienne, Umuyobozi w’Akarere ka Rutsiro wungirije ushinzwe iterambere ry’Ubukungu mu kwezi kwa Mata yatangarije Rwandanews24 ko ikibazo cyo kuba Hotel hari ibice byayo bidakoreshwa kizwi kandi kirimo gushakirwa umuti urambye.

Ati “Ikibazo cya Hotel kuba ifite ibice bidakoreshwa kirazwi kandi kirimo gushakirwa umuti urambye, nubwo tutavuga ngo ni ejo cyangwa ejobundi.”

Iyi Hotel y’Akarere ka Rutsiro itagira izina, ifata izina ry’Umushoramari uyikodesheje agiye kuyikoreramo, ariko buri wese uyigezemo ayivamo yimyiza imoso, ataka ibihombo bikabije, dore ko uwayikoreyemo mu gihe cya Covid-19 ari umwe mubatakambiye Inama njyanama y’Akarere ngo izamukurireho imisoro kuko ntacyo yaronse.

Hoteli Minisitiri Gatabazi aheruka kuraramo ubwo yagiriraga uruzinduko mu karere ka Rutsiro yatangiye kwangirika itamaze kabiri
Uko Hotel y’Akarere ka Rutsiro yagombaga kuba imeze yuzuye neza, hari byinshi bitarajyaho mu gihe imaze imyaka irenga 5 ikorerwamo
Bimwe mu byumba by’iyi Hotel y’Akarere ka Rutsiro birava ku buryo n’ibikuta byatangiye kubora, ku buryo bidasanwe mu maguru mashya byazisanga byasenyutse burundu
Utu tuzu two ku ruhande rwa Hotel twarenzwe n’Ibyatsi nk’ututarashowemo amafaranga

COMMENTS

  • Ark ibi nibiki kweri.
    Nigute umutungo nkuyu ubura uwukurikirana kd hari na unite y’ubukungu

  • Birababaje

  • AvatarAbayisenga Julien June 1, 2022 At 4:16 pm

    kdi ejo bundi nabonye bampa sms ngo nintange imisoro yubutaka ntagira bagiragango nayo nyabahe ashye? yewe Rutsiro yacu weeeeee Meya uri mushya ndakwemera ariko ahaho oya shaka umuti wihuse

  • Please Post Your Comments & Reviews

    Your email address will not be published. Required fields are marked *