Umuhanzi Harmonize afunzwe akekwaho ubwambuzi

Icyamamare mu muziki wa Tanzania ,Rajab Abdul Kahali uzwi nka Harmonize yatawe muri yombi aho akurikiranweho icyaha cy’unbwambuzi.

Harmonize kuri ubu afungiye kuri sitasiyo ya polisi  iri ahitwa Kileleshwa kugira ngo abazwe ibyo akurikiranyweho.Harmonize  yatawe muri yombi na Polisi ya Kenya imukurikiranyeho kubona amafaranga mu buryo bufifitse.

Mu yandi magambo akurikiranyweho kwaka abategura ibitaramo amafaranga abizeza kuzataramira abantu ariko abafana bakamutegereza, bakamubura.

Yari aherutse ku bikora ubwo abantu bategerezaga ko ari bucurangire ahitwa KCC mu gitaramo cyiswe Afrika Moja Concert bakamubura.

The Citizen yanditse ko uriya muhanzi yari afite gahunda y’uko ku Cyumweru taliki 01, Gicurasi, 2022 ari bwo yari kuva muri Kenya ataha iwabo muri Tanzania  ariko afatwa indege itarahaguruka.

Bivugwa ko umwe mu bafungishije Harmonize ari uwahoze ari Meya  wa Nairobi usanzwe ufite utubari dukomeye muri uriya mujyi.

‘Konde Boy’ nk’uko akunze kwiyita  yari afite gahunda yo kuririmbira muri kamwe mu tubyiniro dukomeye kitwa  Captain’s Lounge akabikora mu gihe cy’isaha irenga ariko ngo yikojeje yo aririmba iminota itanu gusa, ubundi ahita yigendera.

Jor Barsil umwe mu bafite akabyiniro Harmonize yagombaga gutaramiramo yagize ati: “ Nishyuye Miliyoni 9Sh ngo banzanire uriya muhanzi ashimishe abakiliya banjye mu gihe cy’isaha n’igice ariko yaraje ababeshya ko abacurangiye mu minota itarenze itanu.”Avuga ko byarakaje abakiliya be ndetse ngo iyo atamutabara bari kumurema uruguma.

Jor Barsil na bagenzi be bavuga ko bifuza ko uyu muhanzi abishyura ibihombo yabateje kugirango babashe guhagarika ibirego bamurega. /RwandaTribune.

Please Post Your Comments & Reviews

Your email address will not be published. Required fields are marked *