Ubuyobozi bw’Ibitaro bya kirinda buhakana ibivugwa n’ umubyeyi ko bamukuyemo Nyababyeyi

Byamukama Emmanuel, Umuyobozi mukuru w’ibitaro bya Kirinda ahakana ibivugwa mu bitaro abereye Umuyobozi byo mu mitangire ya serivisi, avuga ko abarwayi 98,3% bishimiye serivisi zitangirwa mu bitaro bya Kirinda, nk’uko bigaragazwa  n’ububushakashatsi bwakozwe n’abantu baturutse mu mpande zitandukanye.

Rwandanews24 ishingiye ku nkuru yasohotse mu gitangazamakuru Umuseke yari ifite umutwe wagira uti: https://umuseke.rw/2022/04/arashinja-ibitaro-bya-kilinda-kumwakira-nabi-byavuyemo-gukurwamo-nyababyeyi/ yagerageje kuvugisha uyu mubyeyi witwa Mukamazera Berdiane, nawe abasha kuyitangariza nk’ibyo yatangarije iki gitangazamakuru.

Ati “ Nahwe serivisi mbi biza kumviramo gukurwamo nyababyeyi ubwo nagezwaga mu bitaro bya Kaminuza I Butare.”

Rwandanews24 mu kugerageza kuvugisha dr. Byamukama Emmanuel, Umuyobozi w’Ibitaro bya Kirinda yateye utwatsi ibyatangajwe muri iyi nkuru avuga ko harimo guharabika ibitaro abereye umuyobozi

Ku byerekeye abakozi, bavuga ko batishimiye Ubuyobozi bw’Ibitaro mu gihe ubushakashatsi bwagaragaje ko abakozi bari hejuru ya 85% bishimiye Ubuyobozi bw’Ibitaro, aho bagaragaza ko bishimiye ababayobora n’ubufasha bahabwa mu kazi kabo.

Dr. Byamukama Emmanuel ati “Mu bugenzuzi bukorwa mu gihugu hose bwagaragaje ko mu cyiciro cya 2 Ibitaro tuyobora aribyo byo nyine muri serivisi, abarwayi bahabwa bagize amanota 100% muri 2020. Ikindi muri uyu mwaka nabwo Ibitaro bya Kirinda byo n’Ibitaro bya Butaro bahawe igikombe n’Umugore w’Umukuru w’Igihugu Madame Jeannete Kagame nk’Ibitaro byafashije muri serivisi yo kumenya abana uburyo barindwa kuvukana ubwandu bwa virusi itera Sida mu gihe bavuka.”

Abakora mu Bitaro bya Kirinda bavuga iki kuri ibi bibazo?

Ntirampaga Sosthene, umaze imyaka irenga 13 akora mu Bitaro bya Kirinda ni umwe mubavuga serivise zo muri ibi bitaro ari ntamakemwa.

Ati “Imitangire ya Serivisi hano mu Bitaro bya Kirinda nk’umushakashatsi utavugira ku bintu bidafite ibimenyetso bugaragaza ko ababigana bahabwa serivisi nziza.”

Undi mukozi wo muri ibi bitaro yagize ati “Serivisi zitangirwamo hano mu bitaro bya Kirinda harimo gushyira imbaraga mu kwita kubagana ibitaro ku buryo mu myaka itanu ishize nta mubyeyi uraburira ubuzima muri ibi bitaro.”

Ibitaro bya Kirinda bisanzwe biri ku rwego rw’Akarere ndetse imyakirire n’imivurire y’abarwayi) mu bitaro 44 byakorewemo ubushakashatsi, Ibitaro bya Kirinda nibyo byonyine mu Rwanda byabonye amanota 100% mu rwego rwa rwa kabiri.

Ni mu gihe Minisiteri y’Ubuzima ivuga ko hari Ibitaro bitaragera ku rwego rwa kabiri, ndetse hari n’ibitarashobora kugera ku rwego rwa mbere.

Ibiro by’Akarere ka Karongi ibi bitaro bya Kirinda biherereyemo

Please Post Your Comments & Reviews

Your email address will not be published. Required fields are marked *