Perezida Ndayishimiye yagaragaye mu murima asarura ibirayi-Amafoto

Ku Cyumweru nibwo Ndayishimiye yavuze i Burayi mu nama yahuje Africa n’Ibihugu by’Uburayi, mu gitondo cyo kuri uyu wa Mbere taliki ya 21 Gashyantare 2022 azinduka iya rubika ajya gusarura ibirayi ku musozi wa Matongo, muri Komine ya Ndava mu Ntara ya  Mwaro.

Nk’uko biri kuri Twitter ya Ntare Rushatsi ikoreshwa n’Ibiro bya Perezida mu Burundi, uyu murima basaruragamo ni uw’umuryango wa Perezida. Perezida Ndayishimiye ngo yishimiye umusaruro wabonetse.

Mu bamuherekeje gusarura harimo Umuyobozi w’Intara ya Mwaro Col Gasanzwe Gaspard, abakozi b’Intara n’abaturage basanzwe baturanye n’isambu ya Perezida Ndayishimiye.

Bamwe mu babonye amafoto bashimishijwe no kubona Umukuru w’Igihugu yikoreye umufuka w’ibirayi bavuga ko ari urugero rwiza ku bandi.

Uyu murima wa Perezida Ndayishimiye bakunze kwita General Neva ufite ubuso bwa Ha 6 wasaruwemo Toni 60 z’ibirayi nk’uko umwe mu bayobozi mu Ntara ya Mwaro yabibwiye Radio televiziyo y’u Burundi.

Amwe mu mafoto yafashwe ubwo Perezida Ndayishimiye Evariste yasaruraga ibirayi

Please Post Your Comments & Reviews

Your email address will not be published. Required fields are marked *