October 20, 2021

Rwandanews24

Publishing Factual, verified and accurate stories

Umujyi wa Kigali uhagaze neza mu guhangana n’icyorezo cya Covid-19

YASUWE 43 

Imibare itangwa na Minisiteri y’Ubuzima, igaragaza ko muri iyi minsi mu mujyi wa Kigali hari kugaragara abantu bacye bandura icyorezo cya Covid -19.

Mu minsi irindwi ishize mu mujyi wa Kigali habonetse abarwayi 41 gusa banduye icyorezo cya Covid-19, mu gihe mu minsi itatu ishize habonetse abarwayi 9 gusa.

Uturere tugize intara y’Amajyepfo nitwo dukomeje kuza ku isonga mu kugira abarwayi benshi bashya bandura Covid-19, dore ko mu mibare iherutse gutangwa na Minisiteri y’Ubuzima kuri uyu wa 22 Mata,2021, Akarere ka Nyaruguru kabonetsemo abarwayi 29 ndetse akaba ari nako karere kabonetse mo abarwayi benshi mu Gihugu hose, mu gihe mu mujyi wa Kigali habonetse umurwayi umwe gusa.

Kuva tariki ya 14 Werurwe,2020 icyorezo cya Covid-19 cyigaragaye mu Rwanda, mu bipimo miliyoni 1,273,629 byafashwe abantu ibihumbi 24,262 banduye icyi cyorezo, ibihumbi 22,649 barakize, kugeza ubu abakirwaye ni 1,285, Abarembye ni 6. Muri rusange abantu 328 nibo bamaze guhitanwa na Covid-19 ku butaka bw’u Rwanda.

Minisiteri y’Ubuzima ndetse n’izindi nzego bireba bakomeje ubukangurambaga bwo gushishikariza bantu gukomeza kwirinda Icyorezo cya Covid-19, bubahiriza amabwiriza yashyizweho na Leta y’u Rwanda kugira ngo icyi cyorezo cyizacike burundu.

 

Yanditswe na Theophile Bravery @rwandanews24