October 19, 2021

Rwandanews24

Publishing Factual, verified and accurate stories

Rwanda, umubare w’abandura Covid-19 ukomeje kuzamuka

YASUWE 44 

Imibare itangwa na Minisiteri y’Ubuzima buri munsi igaragaza ko abandura icyorezo cya Covid-19 mu Rwanda bagenda biyongera umunsi ku munsi.

Dukurikije imibare yatanzwe na Minisiteri y’Ubuzima, mu minsi irindwi ishize mu Rwanda habonetse abarwayi bashya 1,095 banduye iki cyorezo.

Abarwayi bashya baturuka mu turere dutandukanye hirya no hino mu Gihugu ndetse no mu mujyi wa Kigali. Nkuko imibare yatanzwe kuri uyu wa Gatanu ibigaragaza, akarere kaje ku mwanya wa mbere mu kugira abarwayi bashya benshi ni akarere ka Huye kabonetse mo abarwayi bashya 60 mu munsi umwe gusa.

Imibare igaragaza ko kuri uyu wa Gatanu habonetse abarwayi bashya 249, Abakize bakaba 90, Abakirwaye: 1459, abarembye: 6. Abantu 2 barapfuye bituma umubare w’abamaze gupfa muri rusange uba 310. Abapfuye ni abagabo babiri b’imyaka 83 (i Nyanza) na 40 (i Huye).

Kuva tariki ya 14 Werurwe,2020 umuntu wa mbere wanduye ko Covid-19 agaragaye mu Rwanda, hamaze kwandura abantu 22,167, abakize ni 20,398 mu bipimo 1,165,500 byafashwe mu bantu batandukanye hirya no hino mu Gihugu.

                                                           Yanditswe na Theophile Bravery @Rwandanews24