Kagame Charles yasohoye indirimbo avugamo Inkuru y’Umuntu wishyize hejuru akibagirwa Imana

Kagame Charles, Umusore w’umukristo ubarizwa muri Australia, muri leta ya New South Wales, mu mujyi wa CoffsHarbour aho ahamaze imyaka igera kuri 4 ahatuye, yavukiye mu gihugu cy’abaturanyi cya DRC Congo, akurira mu Rwanda mu ntara y’Uburengerazuba mu karere ka Karongi, umurenge wa Bwishyura, akaba avuka mu muryango w’abana batanu.Yashyize indirimbo yiwe ya 5 hanze yasohokanye n’amashusho yise “Amakuru”.

Kagame Charles watangiye urugendo rwa muzika mu mpera za 2019, amaze gushyira hanze indirimbo yiwe ya 5, aganira na Rwndanews24 yavuze ko Guma mu rugo yakomye mu nkokora umuziki we, kuko hari imishinga myinshi afite yadindiriye mu nzu zitunganya umuziki.

Umunyamakuru: Ese kuki indirimbo wayise amakuru?

Kagame Charles: Indirimbo nayise Amakuru kubera ko ari inkuru narindi kubarira umuntu ivuga ku kuba yarishyize hejuru akareka Imana kandi ariyo yamukomeje ubwo yari mu makuba.

Umunyamakuru: Ubutumwa bukubiye mu ndirimbo yawe Amakuru bushingiye ku nkuru mpamo? Cyangwa ni ibyo ubona nk’umuririmbyi ukabiririmbaho ngo bibashe kwigisha benshi?

Kagame Charles: Ubutumwa buri mundirimbo bwari ukubwira abantu guca bugufi bakagira umutima nkuwari muri yesu christo, kugira urukundo tugafa abandagaye aho kubabwira abagambo abaca intege

Umunyamakuru: Niyo ndirimbo ya mbere ifite amashusho ukoze, ese muri uyu mwaka abakunzi bawe ubahishiye iki?

Kagame Charles: Abakunzi banjye mbahishiye byinshi cyane harimo indirimbo zitunganyije mu buryo bw’amashusho nyinshi, hamwe na collabo ikurikira iyi ndirimbo kandi nayo izasohoka mu buryo bw’amashusho.

Umunyamakuru: Ese ni izihe ngaruka Covid19 yagize kuri muzika yawe?

Kagame Charles: Gutinda kwindirimbo amakuru ndetse nindi mishinga nfite muri studio bitewe na lockdown zagiye zibaho.

Umunyamakuru: Ese ni iki usaba abakunzi bawe?

Kagame Charles: Gukomeza gukunda ibyo nkora ndetse no kunsengera, bakansabira Imana ikampa irindi hishurirwa.

Umunyamakuru: Murakoze cyane.

Kagame Charles: Namwe murakoze cyane, kandi mukomereze aho kudufasha mubyo dukora.

Kagame Charles asanzwe afashwa muri Muzika yiwe na Moriah Entertainment Group, Kompani isanzwe ifasha n’abandi abahanzi bakomeye muri Afurika, barimo Aline Gahongayire, Patient Bizimana n’abandi.

Wanyura hano ukabasha kumva indirimbo Amakuru ya Kagame Charles

Integuza y’iyi ndirimbo Amakuru yaherukaga kujya hanze vuba
Kagame Charles ubarizwa muri Australia yashyize hanze indirimbo yiwe ya mbere ikoze ku buryo bw’amashusho
NSHIMIYIMANA Eric

NSHIMIYIMANA Eric

- Journalist and News Reporter @www.rwandanews24.com - Agricultural specialist and Analyst

Leave a Reply

Your email address will not be published. Required fields are marked *

error: Content is protected !!
Skip to toolbar