Ubuyobozi bwa Etincelles FC bwateye utwatsi ibyatangajwe n’Umutoza uherutse kwegura

Nyuma yuko kuwa kabiri 16 Gashyantare 2021 uwari Umutoza Mukuru wa Etincelles, Calum Shaun Selby, yeguye ku mirimo ye avuga ko impamvu nyamukuru ari uko adahembwa. Ubuyobozi bwiyo kipe buvuga ko bwatangajwe n’iyegura ry’uwo mugabo uvuga ko azize kudahembwa yirengagije ko we n’abandi bakozi ikipe yasubitse amasezerano yabo guhera muri Mutarama 2021, nyuma y’uko Minisiteri ya Siporo ihagaritse Shampiyona ku wa 11 Ukuboza 2020.

Kuwa Kabiri nibwo yandikiye ubuyobozi bwa Etincelles FC abumenyesha ko yasezeye ku kazi kubera kudahembwa.

 Muri iyo baruwa yagize ati “Njyewe Calum Shaun, Umutoza Mukuru wa Etincelles, mbandikiye uyu munsi ngira ngo negure by’igitaraganya ku nshingano zanjye nk’umutoza mukuru wa Etincelles kuko mwanze kumpemba, simbone n’ubufasha buvuye mu bakoresha banjye. Nahisemo kujya gushakira ahandi.”

Hitayezu Dirgeant usanzwe ayobora iyi kipe aganira na rwandanews24 yavuze ko buvuga ko ubuyobozi bw’ikipe bwatangajwe n’iyegura ry’uwo mugabo uvuga ko azize kudahembwa yirengagije ko we n’abandi bakozi ikipe yasubitse amasezerano yabo guhera muri Mutarama 2021, nyuma y’uko Minisiteri ya Siporo ihagaritse Shampiyona ku wa 11 Ukuboza 2020.

Hitayezu Dirgeant yagize ati “Nyuma yuko Minisiteri ya Siporo ihagaritse shampiyona, natwe twahagaritse amasezerano y’abakozi, kuko batari gukomeza guhembwa badakora, ikigeretseho uriya mugabo weguye ntabwo yabashije kubahiriza ibikubiye mu masezerano.”

Yari yarasabwe ko agomba gutsinda imikino itatu muri itandatu ibanza ya Shampiyona, ariko muri 3 yari amaze gukina Yatsinze umwe anganya undi atsindwa undi, birasa nk’aho yabonye ko imikino 3 yari asigaje atazabasha gutsindamo imikino 2, kandi agomba kurangiza igice kibanza cya Shampiyona (Aller) afite nibura amanota 35 kuri 45.

Kuwa 22 Kamena 2020 nibwo Hitayezu Dirgeant yatorewe kuyobora iyi kipe, mu matora y’inama y’inteko rusange y’ikipe ya Etincelles Fc ku bwiganze bw’amajwi 100%.

Ni amatora yabaye nyuma y’iminsi humvikana amajwi y’abafana ba Etincelles Fc bari barambiwe ubuyobozi bwa Ruboneza Gedeon bwari bwararangije Manda ntiburekure, uyu Gedeon yashinjwaga gushyira ikipe ahabi no kutumvikana n’abatoza banyuze muri Etincelles Fc ku ngoma ye byatumye iyi kipe igenda ibona umusaruro udashimishije.

Hitayezu Dirigeant niwe watowe n’abakunzi ba Etincelles Fc ku mwanya wa Perezida w’ikipe ku majwi 100%, ndetse hatorwa na ba visi perezida be babiri. Visi Perezida wa mbere yabaye Pasteur Ndolimana Emmanuel watowe ku majwi 85% mu gihe uwa kabiri yabaye Ndagijimana Enock.

Calum Shaun yari amaze umwaka umwe agizwe umutoza wa Etincelles FC, aho muri Gashyantare 2020, yasimbuye Bizimana Abdu ‘Bekeni’.

Muri Nyakanga 2020 ni bwo Umwongereza Calum Shaun wari wahawe amasezerano azarangirana n’umwaka w’imikino wa 2019/20, yongerewe undi mwaka umwe.

Hitayezu Dirgeant, Umuyobozi w’ikipe ya Etincelles F.C, wicaye hagati yateye utwatsi ibyatangajwe n’uwari umutoza w’iyi kipe yo mu karere ka Rubavu
NSHIMIYIMANA Eric

NSHIMIYIMANA Eric

- Journalist and News Reporter @www.rwandanews24.com - Agricultural specialist and Analyst

Leave a Reply

Your email address will not be published. Required fields are marked *

error: Content is protected !!
Skip to toolbar