October 26, 2021

Rwandanews24

Publishing Factual, verified and accurate stories

Mushobora kumpa umwanya nkababwira ukuntu ntari umunyarwanda- Rusesabagina mu Rukiko, Sankara ati ‘isoni zahise zinkora’

YASUWE 34 

Ibi ni ibyavuzwe na Rusesabagina Paul mu Rukiko kuri uyu wa gatatu taliki ya 17 Gashyantare 2021, ubwo urubanza areganwamo n’abandi 20 ibyaha by’iterabwoba, kurema umutwe w’iterabwoba cyangwa kuwujyamo ndetse n’ibindi 7 kuko akurikiranyweho ibyaha 9, akaba yahakanye yivuye inyuma ko Atari umunyarwanda.

Urubanza rwatangiye hasomwa imyirondoro ya buri umwe mu baregwa bose, ikubiyemo amazina, aho avuka, umubare wa nimero za telefoni atunze hanyuma hagakurikizwaho ibyaha aregwa.

Umwanditsi w’urukiko yasomye ahereye kuri Nsabimana Callixte ‘Sankara’, Nsengimana Herman na Rusesabagina Paul.

Paul Rusesabagina ni mwene Rupfure Thomas na Nyirampara Keiza, wavutse tariki ya 15 Kamena 1954, muri Selire Nyakabungo, Segiteri Nkomero, Komine Murama, Perefegitura ya Gitarama; ubu ni mu Karere ka Ruhango, Intara y’Amajyepfo.

Atuye mu Bubiligi mu gace ka Kraainem-Banlieu mu Mujyi wa Bruxelles aho afite ubwenegihugu bw’u Rwanda n’ubw’u Bubiligi. Yashakanye na Mukangamije Tatiana, ndetse ko ari Umunyamahoteli.

Nyuma yo kumva abunganira Ubushinjacyaha n’abunganira Rusesabagina, Perezida w’Urukiko yabajije Rusesabagina niba hari icyo yakongeraho ngo ahabwe umwanya. Rusesabagina yasubije ko afite icto yongeraho ahabwa umwanya atangira agira ati: “Kuva nava mu Rwanda muri 1996 njya mu Bubiligi nahise ntanga ibyangombwa byanjye (indangamuntu na passports) mpita mba umuntu wa UN, Ububiligi bumfatira UN ndi nk’impfubyi.”

Rusesabagina mu rukiko kuri uyu wa gatatu

Naje guhabwa indangamuntu Mbiligi nk’umuntu wa UN, nza no guhabwa passport ya UN, ariko itanyemerera kuza mu Rwanda. Ububiligi bwandeze nk’umwana w’imfubyi buri buri, muri 2000 mpabwa ubwenegihugu bw’Ububiligi.

Rusesabagina yakomeje ati, muri 2003 nashatse kuza mu Rwanda, njya kuri Ambasade y’ u Rwanda mu Bubiligi mbabaza icyo bisaba, bambwiye ko kuba mfite ibyangombwa by’ Ububiligi ari ukuza nkatererwaho kashi.

Nagarutse muri  Nyakanga 2004 mpamara iminsi 10, kuko narazaga nkasubira iwacu mu Bubiligi. “Ndi imbere yanyu binyuranyije n’amategeko kuko narashimuswe.”

Muramutse mumpana mwampanira icyo. Sinigeze nongera kuba umunyarwanda kuko sinigeze nongera gusaba ubwenegihugu bw’ubunyarwanda.

Aho bashimangira ko ndi umunyarwanda nkaba n’umubiligi simbyemera kuko ntabwo umunyarwanda aregwa i Buluseli mu Bubiligi.

Perezida w’urukiko yamusubije ko mu rwego rw’amategeko atigeze atakaza ubwenegihugu bw’amavuko aribwo u  Rwanda. Yahise avuga ko amategeko y’ u Rwanda atayazi.

Ku kirego kiri muri EAC kirimo ko ari umunyarwanda, yavuze ko yabwiwe ko atahafite aderese ndetse ko ataharegera, ariko ngo yabasubije ko afite aderese i Mageragere. Yavuze ko yifuza kuzabanza gusoma icyo kirego cya EAC akabona ko yavuze ko ari umunyarwanda, niba biri muri iyo nyandiko koko.

Nsabimana Callixte uzwi nka Sankara yari Umuvugizi wa FLN. Yasabye urukiko kwihutisha urubanza kuko amaze imyaka ibiri ari kuburana

Ku ruhande rwa Nsabimana Callixte uzwi nka Sankara bareganwa mu rubanza rumwe akaba anamaze imyaka 2 aburana, yavuze ko isoni zamukoze nk’umuntu wari ikegera cya Rusesabagina, kubera ukuntu Rusesabagina yavuze ko atari umunyarwanda kandi bari bafite umugambi wo gufata u Rwanda,  Rusesabagina akaba Perezida w’ u Rwanda. Ati sinumva ukuntu yari kuyobora u Rwanda kandi ari umunyamahanga.

Sankara yasabye urukiko kwihutisha urubanza rukarangira kuko we ngo amaze imyaka 2 aburana, ariko akaba abona Rusesabagina ibyo arimo ari ugushaka gutinza urubanza nkana.

Abareganwa na Rusesabagina uko ar 20 bari mu rukiko kuri uyu wa gatatu

RUSESABAGINA AKURIKIRANYWEHO IBYAHA ICYENDA

Kurema umutwe w’ingabo utemewe cyangwa kuwujyamo
Gutera inkunga iterabwoba
Iterabwoba ku nyungu za politiki
Gukora no kugira uruhare mu bikorwa by’iterabwoba
Kuba mu mutwe w’iterabwoba
Kugambana no gushishikariza abandi gukora iterabwoba
Ubufatanyacyaha ku cyaha cy’ubwicanyi buturutse ku bushake
Ubufatanyacyaha ku cyaha cyo kwiba hakoreshejwe intwaro
Ubufatanyacyaha ku cyaha cyo gutwikira undi ku bushake inyubako

 Urutonde rw’abaregwa muri uru rubanza

  1. Nsabimana Callixte alias Sankara
    2. Nsengiyumva Herman
    3. Rusesabagina Paul
    4. Nizeyimana Marc
    5. Bizimana Cassien, alias BIZIMANA Patience, alias Passy, alias Selemani
    6. Matakamba Jean Berchmans
    7. Shabani Emmanuel
    8. Ntibiramira Innocent
    9. Byukusenge Jean Claude
    10. Nikuze Simeon
    11. Ntabanganyimana Joseph alias Combe Barume Matata
    12. Nsanzubukire Felicien alias Irakiza Fred
    13. Munyaneza Anastase alias Job Kuramba
    14. Iyamuremye Emmanuel alias Engambe Iyamusumba
    15. Niyirora Marcel alias BAMA Nicholas
    16. Nshimiyimana Emmanuel
    17. Kwitonda André
    18. Hakizimana Théogène
    19. Ndagijimana Jean Chrétien
    20. Mukandutiye Angelina
    21. Nsabimana Jean Damascène alias Motard