Rwandair yahagaritse ingedo muri South Africa, Zambia na Zimbabwe igihe kitazwi

Rwandair, kompanyi y’indege ya leta y’u Rwanda yatangaje ko kuva uyu munsi kuwa mbere taliki ya 8 Gashyantare 2021 ihagaritse by’agateganyo ingendo zijya i Johannesburg, Lusaka na Harare kubera ubwoko bushya bwa Covid-19.

Iyi kompanyi ivuga ko izasubukura ingendo muri ibyo bihugu mu gihe hazaba “hari umucyo ku buryo ibintu byifashe”.

OMS/WHO ivuga ko ubwoko bushya bwa Covid-19 bwabonetse bwa mbere muri Africa y’Epfo aribwo burimo  gutera inkubiri ya kabiri y’ubwandu bw’iki cyorezo muri Africa.

WHO ivuga ko ubu bwoko bushya bumaze kuboneka muri Botswana, Ghana, Kenya, Comoros, Zambia, no mu bindi bihugu 24 bitari ibyo muri Africa.

Ibihugu birimo Leta zunze ubumwe za Amerika, Ubwongereza, Ubuholandi, Emira zunze ubumwe za Abarabu n’ibindi byo muri Amerika y’Epfo byahagaritse ingendo z’indege z’abagenzi muri Africa y’Epfo kubera ubu bwoko bushya.

U Rwanda, u Burundi, DR Congo na Tanzania nabyo biri mu bihugu Ubwongereza bwahagaritse abagenzi babiturukamo, mu kwirinda ubwo bwoko bushya bwa Covid-19.

Kompanyi ya Rwandair mbere y’uko ihagarika ingendo zimwe na zimwe kubera coronavirus yari isanzwe ijya mu byerekezo hafi 30 muri Africa, Asia, Iburayi no mu burasirazuba bwo hagati.

Mu minsi ishize, iyi kompanyi yatangije urugendo rushya rugana i Bangui muri Centre Afrique.

 

error: Content is protected !!
Skip to toolbar