October 16, 2021

Rwandanews24

Publishing Factual, verified and accurate stories

Rubavu: Abahinze ibitunguru barataka ibihombo bikabije kandi barabonye umusaruro

YASUWE 66 

Abahinzi bo mu Karere ka Rubavu bejeje ibitunguru barasaba gufashwa kubibonera isoko, bakomeje guhura n’igihombo kuko umusaruro wabonetse wabuze isoko ku buryo hari bamwe muri bo bahisemo kubigumisha mu mirima  ngo bibe ifumbire y’imborera. Ubuyobozi bw’akarere bwa Rubavu buvuga ko bagiye kongera imbaraga mu kugeza umusaruro wabonetse ku isoko.

Aba bahinzi bavuga ko bahuye n’igihhombo gikabije batewe no kubura isoko ry’umusaruro w’ibitunguru, none kuri ubu bamwe muri bo Banki zirimo kubyukira ku miryango y’amazu yabo zije kwishyuza inguzanyo bahawe, batazi nahho izava.

Kanyabushi Eliyazari watabye toni 2 z’ibitunguru zaboze, yaziburiye isoko yahisemo kutongera gusarura ibitunguru bikiri mu mirima.

Kanyabushi “Ibitunguru twarabikuye tuziko imodoka iza kubipakira ntiyaza, nibiri mu murima twarabiretse, kuko ubanza tuzabihingiraho”

Hakizimana Emmanuel utuye mu Kagari ka Kanyundo mu murenge wa Mudende mu Karere ka Rubavu wahinze ibitunguru  ku buso bwa hegitari 1, bikera nk’uko yari abyiteze, ariko magingo aya atewe impungenge nuko ibyo bitunguru bitangiye kwangirikira mu murima  kubera ko yatinye kubisarura nta soko ryabyo ngo afite.

Hakizimana ati “Ibitunguru byabuze isoko kuko abaguzi baraza bakatubwira ngo umufuka ni amafaranga Magana arindwi 700frw cyangwa 800frw iyo abaye menshi bakwishhyura 1000frw, umurima wse kuri ubu tibandengereza ibihumbi 50,000frw.”

Abandi bahinzi bo bavuga ko aho babahaga Miliyoni kuri ubungubu batabona nubarenggereza ibihumbi 20, ndetse ko na Banki itaboroheye kuko irimo kubyukira ku muryango ije kwishyuza inguzanyo bahawe, bakibaz ahho bazayakura kuri bamwe bavuga ko ubwo bazabura ubwishyu bazimuka.

Ku rundi ruhande hari abibaza niba imbuto y’ibitunguru ihingwa muri aka Karere yaba itaboneye kuko no kubyanika ngo bibora aho kuma, mu gihe hegitari 1 ivamo toni zigera kuri 20.

Kubura isoko ry’ibitunguru ni ikibazo gikomeje kugira ingaruka ku bahinzi batari bake bo mu mirenge itandukanye yo mu Karere ka Rubavu, bifuza ko bafashwa kubona isoko ry’umusaruro w’ibitunguru kuko ritabonetse byakoma mu nkokora ubuhinzi bwabo.

Umuyobozi wungirije w’Akarere ka Rubavu ushinzwe iterambere ry’ubukungu Nzabonimpa Deogratias yabwiye RBA ko ikibazo kitashakirwa ku mbuto kuko mu kubihinga hagenderwa ku mabwiriza atangwa n’Ikigo cy’Igihugu gishinzwe guteza imbere ubuhinzi n’ubworozi RAB, ahubwo ngo bagiye kongera imbaraga mu kugeza umusaruro wabonetse ku isoko.

Nzabonimpa Deogratias ati “Duhuje ingamba zo kugeza umusaruro ku masoko atandukanye yo mu gihugu ndetse no mu masoko yo mu gihugu cy’abaturanyi cya RD Congo, umusaruro twabonye watubera amahirwe yo kongerera ubukungu abaturage bacu, ndetse kuri ubungubu imashini yo mu murenge wa Busasamana yitezweho kumisha imboga zirimo ibitunguru ikazongerera agaciro n’igihe zimara iratangira vuba, kuburyo nta gihombo kizongera kubaho, ndetse hari na gahunda yo kuzazikwirakwiza ahashoboka hose.”

Ibibazo aba bahinzi b’ibitunguru bagaragaza babihuje kandi na bagenzi babo bejeje tungurusumu, babura isoko. Ubuyobozi bw’akarere ka Rubavu bwijeje kandi aba bahinzi ko buzabahuza n’ibigo by’imari byabahaye inguzanyo kugirango barebere hamwe uko bazafashwa kuyishyura itababereye umuzigo.

Abainze Ibitunguru bahisemo kubireka no byangirikire mu murima nyuma yo kubura isoko