October 22, 2021

Rwandanews24

Publishing Factual, verified and accurate stories

Dore uko byari byifashe mu Mujyi wa Kigali bishimira intsinzi y’Amavubi- VIDEO

YASUWE 96 

Ubwo ikipe y’u Rwanda Amavubi yari amaze gutsinda iya Togo ibitego 3-2 mu irushanwa rya CHAN ririmo kubera muri Cameroon ku nshuro ya gatandatu, Abanya-Kigali bo mu bice bitandukanye biraye mu mihanda n’amahoni ndetse n’akamo kenshi bishimira intsinzi y’Amavubi itari iherutse.

Abatuye mu mujyi wa Kigali batitaye ku cyorezo cya COVID-19 cyatumye bashyirwa muri gahunda ya guma mu rugo, bishimiye intsinzi mu buryo budasanzwe bavuza ingoma, amadebe, vuvuzela ndetse n’ibindi.

Abo mu kagari ka Musezero mu murenge wa Gisozi mu karere ka Gasabo bo banashyizemo indirimbo y’intsinzi ubundi barabyina karahava, mu gihe abandi bo mu bice bitandukanye birimo ab’ i Nyamirambo n’ahandi na bo baraye mu mihanda babyina umusaturamano, gusa bitaruraga imihanda ya Kaburimbo bakajya muy’igitaka bakishimira intsinzi y’Amavubi ndetse hari bamwe buriye imodoka.

Intsinzi y’Amavubi yatumye abantu bajya mu mihanda bambaye ubusa

Umwe mu baturage batuye mu Murenge wa Kimisagara mu karere ka Nyarugenge, wavuganye na rwandanews24, yagize ati” Abantu bari buzuye imihanda berekeeza i Nyamirambo, yewe ibya covid byo babyibagiwe”.

Undi wari i Nyamirambo na we yagize ati” Ikivunge cyanyuze iwanjye noneho kwa ba Gisimba ho abantu buzuye umuhanda, muri make na Polisi ntacyo yakora byayicanze”.

Gutsinda kw’ikipe y’u Rwanda biyihesheje itike yo kugera muri 1/4 cya CHAN ku nshuro ya kabiri kuko u Rwanda rwaherukaga kugera muri 1/4 mu mwaka wa 2016, ubwo iri rushanwa ryari ryabereye mu Rwanda.

Intsinzi y’u Rwanda yarufashije kuzamuka ari iya 2 mu insinda rya gatatu n’amanota 5, mu gihe Marocco ari yo yayoboye insinda n’amanota 7, Togo yabaye iya gatatu n’amanota 3 na Uganda yatashye iri ku mwanya wa nyuma ni inota rimwe.

Ikipe y’u Rwanda igomba gutegereza kuzahura n’ikipe izaba iya mbere mu itsinda rya kane ririmo ikipe y’igihugu ya Guinea, Zambia, Namibia na Tanzania.

Ntabwo ari i Kigali gusa abantu biraye mu mihanda kubera ibyishimo by’ikipe y’igihugu y’u Rwanda Amavubi, ahubwo no mu bice bitandukanye by’igihugu biraye mu mihanda bishimira intsinzi y’u Rwanda.

Kanda hano urebe video:

https://youtu.be/wtrLpqJWoMk

Icyo abantu batandukanye bavuze ku ntsinzi y’Amavubi