October 26, 2021

Rwandanews24

Publishing Factual, verified and accurate stories

Ethiopia: Ubwoba ni bwose ko Tigray igiye kwibasirwa inzara ikomeye

YASUWE 38 

”Abantu ibihumbi n’ibihumbi bashobora kubura ibyo barya kugeza ubwo bashobora gupfa bishwe n’inzara” mu ntara ya Tigray yo muri Ethiopia, nk’uko bivugwa n’umutegetsi wo muri reta mu rwandiko rwanyereye rw’icyegeranyo yafashe ari mu nama y’amashyirahamwe afasha abari mukaga.

Ubu ikigo cya reta cyo guhuza ibikorwa byihutirwa muri Tigray(ECC) kirimo kureba ibikenewe nyuma y’intambabara iheruka muri iyo ntara. Leta ya Ethiopia yavuze ko yatsinze intambara mu mpera z’ukwa 11,2020.

Ariko intambara ya hato na hato  yarakomeje, nayo ONU ikaba ivuga ko abantu bari mu kaga ”bikomeye”.

Iryo shyirahamwe mpuzamahanga rivuga ko ibyegeranyo byerekana ko ntabyo kurya biriho cyangwa ko ari bike cyane mu masoko ku buryo hashobora kuba ingaruka zo kurya nabi.

ECC kivuga ko abantu miliyoni 4.5 bakeneye ibyo kurya byihuta muri Tigray hakurikijwe imibare irimo kwiyongera  nk’uko bigaragazwa na raporo ya ONU. Intara ya Tigray ibarurwamo abantu bari hagati ya miliyoni 5 na 7. Abarenga 500.000 bahungiye muri Sudan bihana imbibe.

Uhagarariye Ethiopia i Lomdres yavuze mu itangazo ko abategetsi bashaka gufasha abo bose babikeneye.

Itangazo rigira riti: ”Leta ya Ethiopia yiyemeje gukorana n’abo bose bafasha abari mu kaga no mu iterambere kugirango duhangane n’ibibazo bihari bishobora kubuza ko imfashanyo zigera ku bantu bose babikeneye nta mbogamizi”

ONU ivuga ko kugera ubu hari ibice bimwe na bimwe bya Tigray bitarekuwe, ariko ko imfashanyo zimwe zimwe zihagera.

Abanya Ethiopia bo muri Tigray 500.000 bahungiye mu makambi y’impunzi muri Sudan

Guhanahana ubutumwa mu gice kinini cy’iyo ntara biracyagoye kuko imirongo ya telefone na internet yacitse, bigatuma bigorana guhinyuza ibivugwa.

‘Abantu bapfa basinziriye’

Hisunzwe urwandiko rw’ibyo yafatiye mu nama ya ECC yabaye ku wa 8 Mutarama 2021, umutegetsi wo mu rwego rufata ibyemezo ruyobora Tigray ”avuga ko ibintu muri iyo ntara bimeze nabi cyane”.

”Ibyo kurya n’ibitari ibyo kurya n’ubundi buryo bwo kubaho byarasahuwe cyangwa byarasenywe. Yanavuze kandi ko hamwe imfashanyo yihuta itakwegeranywa, abantu ibihunbi n’ibihumbi bashobora kwicwa n’inzara”

Uwo mutegetsi bivugwa ko yagize ati : “Abantu barapfa kubera kubura ico barya. Mu karere ka Adwa abantu barapfa basinziriye”.

Ingabo za Ethiopia zinjiye muri Tigray mu kwezi kwa 11, 2020 kugirango zirukane ishyaka ryayobora iyo ntara nyuma yaho ingabo zawo zigaruriye amakambi ya gisirikare ya reta mpuzantara”.

Minisitiri wa w’intebe Abiy Ahmed  avuga ko igisirikare cyaakoresheje ingufu zari zikenewe gusa kugirango  zisubize ibintu mu buryo hanyuma y’akaga n’amahano nako gashyirwe imbere y’ubutabera.

Tigray yashegeshwe n’intambara

Kuva mu mpera z’ukwezi kwa 11, 2020 hari ibikorwa byo guhiga abihishahisha  bayobora ishyaka Tigray People’s Liberation Front (TPLF) barahiye ko bazakomeza urugamba nyuma y’aho hafatiwe umurwa mukuru w’iyo ntara.

Ku wa gatanu umukuru w’ishami rishinzwe ububanyi n’amahanga mu ishyirahamwe ry’u Burayi Josep Borrell yavuze ko uko ibintu bimeze ku rubuga byarenze igikorwa cyo gusubiza ibintu mu buryo