October 19, 2021

Rwandanews24

Publishing Factual, verified and accurate stories

Rutsiro: Biracyekwa ko yategewe kunywa inzoga bikarangira apfuye

YASUWE 30 

Umugabo wo mu karere ka Rutsiro, Umurenge wa Mushubati ho mu kagari ka Gitwa wishwe n’inzoga, biracyekwa ko yaba yazinywereye ku ntego zikamunangura. Ubuyobozi burasaba abaturage kurushaho kwirinda ibyaha, bakirinda urugomo ni agakungu.

Ibi byabaye mu ijoro ryo kuwa kabiri, tariki ya 12 Mutarama 2021, ubwo umuturage witwa Ntezibyimana Alexis w’imyaka 42 yanweye inzoga bikarangira zimwishe.

Basabose Alexis umunyamabanga nshingwabikorwa w’umurenge wa Mushubati yahamirije rwandanews24 aya makuru, aboneraho gusaba abaturage kwirinda Urugomo ni agakungu kuko aribyo bibashora mu byaha.

Basabose Alexis yagize ati “Ejo mu gitondo nibwo twamenye amakuru ko hari umuturage waraye anyweye inzoga, akajyanwa kuri Poste de Sante ya Gitwa agahita yitaba Imana.”

Ku makuru yuko hari ababa bazimuhaye ku ntego biracyarimo gukorwaho iperereza n’inzego zibifite mu nshingano, ndetse kugeza kuri uyu munsi hari umwe mu bacyekwa kubigiramo uruhare watawe muri yombi.

Basabose arakangurira abaturage kwirinda kunywa inzoga mu buryo butemewe ndetse budakwiriye no mu masaha atemewe, bakirinda urugomo ni agakungu kuko birangira bibashoye mu byaha, barusheho kugira ikinyabupfura ndetse banashishikarire gutangira amakuru ku gihe.

Kuri ubu umurambo wa nyakwigendera wajyanwe ku bitaro bya Murunda ngo ubanze usuzumwe mbere yuko ushyingurwa.

Mu karere ka Huye mu gitondo cyo kuwa Gatatu, tariki ya 9 Ukuboza 2020 nibwo humvikanye inkuru y’umugabo witwa Hakuzimana Venuste wo mu Mudugudu wa Rwinuma mu Kagari ka Rango A, ko yategewe n’umwana muto ucuruza ubunyobwa kunywa amacupa atandatu y’urwagwa rwitwa Akengetse, yarayanyweye acika intege bamujyana kwa muganga birangira apfuye.

Basabose Alexis, Umunyamabanga nshingwabikorwa w’umurenge wa Mushubati