October 20, 2021

Rwandanews24

Publishing Factual, verified and accurate stories

Nyarugenge: Umukobwa na Nyina bishwe na COVID19 mu mpera z’icyumweru gishize barashyingurwa

YASUWE 36 

Kuri uyu wa Gatatu taliki ya 13 Mutarama 2021, umubyeyi w’imyaka ibarirwa muri za 70 arashyingurirwa rimwe n’umukobwa we w’imyaka 45 bombi bishwe na Covid-19.

Amakuru Umuseke wamenye ni uko Umukecuru witwa Mukagashugi Bernadette yabanje kurwarira i Kanyinya nyuma aza gupfa mu ijoro ryo ku Cyumweru taliki 10 Mutarama 2021.

Ku wa Gatanu w’Icyumweru gishize, umukobwa we witwa Nduwayo Marie Claire na we yaje kugira ikibazo cyo kubura umwuka ajyanwa ku Bitaro by’Akarere ka Nyarugenge, asangwamo Covid-19, ku wa Mbere tariki 11 Mutarama 2021 na we arapfa.

Covid-19 mu Rwanda irafata intera, abamaze gupfa ni 125 mu gihe abakirwaye bo bagera ku 2851.

Ingamba zo kwirinda icyorezo zirimo gukaraba intoki kenshi, kwambara neza agapfukamunwa, kwirinda ingendo zitari ngombwa, guha intera hagati yumuntu n’undi igihe bagenda cyangwa bari hamwe no kwisuzumisha kare ku muntu ugize ibicurane, cyangwa aribwa n’umutwe.

Ba nyakwigendera barashyingurwa kuri uyu wa Gatatu taliki 13 Mutarama 2021 mu irimbi rya Rusororo hakurikizwa amabwiriza yo kwirinda Covid-19 nk’uko Umuseke dukesha iyi nkuru wabyanditse.