Abakiriya ba Banki y’Abaturage” BPR”, baratabaza Banki nkuru y’Igihugu “BNR”.

Taliki ya 26/11/2020 nibwo imwe muri Banki zikomeye yo mu Gihugu cya Kenya”KCB” ariko ikaba ifite ishami  rikorera hano mu Rwanda,  yatangaje ko igiye kugura imigabane ingana na 62.06% ya Banki y’abaturage y’u Rwanda.  Ibi bigatuma KCB iba bank ya kabiri nini ku isoko ry’amabanki mu Rwanda.

Nyuma yaho ibi bibaye abakiriya basanzwe bakoresha Banki y’abaturage y’u Rwanda, ubu barinubira imitangire ya serivisi itanoze iri kugaragara muri iyi banki ndetse bakanasaba Banki nkuru y’Igihugu, BNR, ko yabarenganura.

Ibi byagaragaye aho umunyamakuru wa Radio na Tv one, Angeli Mutabaruka , abinyujije ku rukuta rwe rwa twitter  yavuze ko  Abakiliya ba BPR bamaze iminsi 3 badahabwa amafaranga yabo none inzara ibari nabi.

Babinyujije mu butumwa busubiza, abakoresha urubuga rwa twitter bagaragara nkaho ari abakiriya ba Banki y’Abaturage, bagaragaje ko imitangire ya serivisi iri kuranga iki kigo idashimishije.

Ukoresha izina rya “Gabiro” kuri twitter yagize ati” Noneho bambwiye ko mfiteyo n’ikirarane cya 92. Niba ari ibiceri , niba ari ibihumbi, ntimumbaze kdi nziko nta nguzanyo ngirayo!” arangije ashyiraho utu emoji 3 duseka, anohereza ubutumwa BPR imuha kuri Telefoni nkuko bugaragara.

Uwitwa, Abizeyimana kuri twitter we yagize ati” Nimudatabare kuko no muri

Banki ya Kigali.

tumaze icyumweru cyose tudahembwa kndi umukoresha payroll bayimaranye icyumweru BK Branch ya Nyamata mutuvuganire

Abandi bantu batandukanye bakomeje kugenda bagaragaza imitangire ya serivisi itanoze iri kuranga BPR muri iyi minsi.

Babinyujije ku rukuta rwabo rwa twitter, Banki y’Abaturage nayo yahise igira icyo ibivugaho.

Bagize bati” Muraho neza Angeli, murakoze kutwandikira.Tubiseguyeho kumbogamizi zose mwaba mwahuye nazo,Ubu serivisi mu mashami yacu zasubiyeho, mwagana ishami ribegereye tukabafasha.Serivisi z’ikoranabuhanga nazo turi gukora ibishoboka byose ngo zisubireho tukaza kubibamenyesha. Murakoze.”

Ubwo twakoraga iyi nkuru, Rwandanews24 yagerageje kwandikira ubuyobozi bwa Banki y’Abaturage ngo baduhe ibindi bisobanuro, gusa ntabwo badusubije.

 

Yanditswe na Theophile Bravery

Theophile Bravery

Theophile Bravery

Journalist and News reporter @www.rwandanews24.rw, Graphic Designer, Photographer and IT consultant

error: Content is protected !!
Skip to toolbar