Kigali yemejwe na FIBA Afrique nk’umujyi utekanye mu bihe bya CIVID19 uzakira imikono yo gushaka itike ya Afrobasket 2021

Umujyi wa Kigali wemejwe nk’umwe muri ibiri izakira imikino y’amatsinda yo gushaka itike y’igikombe cya Afurika cya Basketball mu bagabo (Afrobasket 2021) mu Ugushyingo.

Inama y’Ubutegetsi y’Ishyirahamwe Mpuzamahanga ry’Umukino wa Basketball muri Afurika (FIBA Afrique) yemeje ko Umujyi wa Kigali n’uwa Alexandria wo mu Misiri, ariyo izakira imikino yo gushaka itike mu matsinda ane, izabera ahantu hamwe hatekanye muri ibi bihe bya COVID-19.

Kigali izakira amakipe 12 yo mu matsinda atatu: A, B na D mu gihe andi makipe ane yo mu itsinda E azahurira mu Mujyi wa Alexandria mu Misiri.

Imikino yo mu itsinda C yo yakinwe muri Gashyantare uyu mwaka.

Kimwe mu byagendeweho hatoranywa aho imikino izabera harimo kuba byoroshye kuhakorera ingendo kandi bikajyana no kuba bitashyira ubuzima bw’abantu mu kaga, aho bizakorwa hubahirizwa amabwiriza ya FIBA arimo gupima abantu no gukorera ahantu hatekanye.

Hagati ya tariki ya 22 n’iya 24 Ukwakira, Umujyi wa Yaoundé muri Cameroun uzakira imikino yo gushaka itike yo kwinjira mu itsinda E hagati ya Sudani y’Epfo, Cap-Vert na Tchad.

Ikipe izakomeza muri izi, izasanga Maroc, Misiri na Uganda mu itsinda E rizakinira i Alexandria hagati ya tariki ya 27 n’iya 29 Ugushyingo.

Afrobasket 2021 izitabirwa n’amakipe 16, izabera mu Rwanda hagati ya tariki ya 24 Kanama n’iya 5 Nzeri 2021.

Amakipe 12 azakinira i Kigali:

Itsinda A: Tunisie, Centrafrique, Repubulika Iharanira Demokarasi ya Congo na Madagascar.

Itsinda B: Sénégal, Angola, Mozambique na Kenya.

Itsinda D: Nigeria, Mali, u Rwanda na Algérie.

 

error: Content is protected !!
Skip to toolbar