Karongi: Umweyo watangiriye mu bakozi 9 b’imirenge n’utugari

Bamwe mu bakozi b’imirenge n’abakozi b’utugari bo mu karere ka Karongi, batangiye kunyuzwamo umweyo abitwaye nabi mu kazi. Ni mugihe akarere kataragira icyo kabivugaho.

Kuri uyu wa gatanu tariki ya 02 Ukwakira 2020, bamwe mu bakozi b’imirenge n’utugari bashyikirijwe amabaruwa abahagarika ku mirimo yabo, ni mugihe amakosa bazize atarabasha kumenyekana.

Rwandanews24 yagerageje kuvugisha umuyobozi w’akarere ka Karongi, Mukarutesi Vestine  ntibyadukundira, ndetse n’ubutumwa bugufi twamwandikiye, ubwo twakoraga iyi nkuru yaratarabusubiza, tukaba turabagezaho inkuru irambuye mu kanya n’abasha kutuvugisha.

Mu karere ka Karongi hahagaritswe Ushinzwe imibereho myiza y’abaturage mu murenge wa Mubuga, abashinzwe ubutaka b’imirenge itatu, Ushinzwe irangamimerere umwe, abayobozi b’utugari babiri, n’abashinzwe iterambere mu tugari babiri.

Amakuru agera kuri rwandanews24 avuga ko aba bahagaritswe, bari baite imyitwarire idahitswe mu kazi, ndetse ntibanabashe guhigura imihigo nkuko babyiyemeje, dore ko hari nandi makuru arimo kunugwanugwa ko umweyo urakomereza mpaka abakora nabi bose birukanwe.

NSHIMIYIMANA Eric

NSHIMIYIMANA Eric

- Journalist and News Reporter @www.rwandanews24.com - Agricultural specialist and Analyst

error: Content is protected !!
Skip to toolbar