Rubavu: Ikamyo igonganye n’ivatiri batanu bose bahasiga ubuzima ntihagira uyirokoka

Mu karere ka Rubavu, Umurenge wa Nyakiriba habereye impanuka ikomeye, ihitanye ubuzima bw’abantu batanu, ntihagira numwe uyirokoka. ubuyobozi bukaba bushishikariza abashoferi gusuzumisha ibinyabiziga byabo kenshi kugira bamenye nimba nta kibazo bifite.

Iyi mpanuka ibaye ku gica munsi cyo kuri uyu wa kane, tariki ya 20 Kanama 2020 ubwo Ivatiri yavaga muri Mahoko izamuka yerekeza mu karere ka Musanze igonganye n’ikamyo yamanukaga yerekeza muri mahoko, abari mu ivatiri ndetse n’abari mu ikamyo bose bahasiga ubuzima.

Ababonye iyi mpanuka babwiye Rwandanews24 ko iyi Vatiri yo mu bwoko bwa Rav4 yagonzwe ifite Plaque RAB884Q, yagonzwe n’ikamyo bivugwa ko yacitse feri igata umuhanda igasatira iyi vatiri.

Tuyishime Jean Bosco Umunyamabanga nshingwabikorwa w’umurenge wa Nyakiliba, yahamirije rwandanews24 iby’iyi nkuru y’akababaro, asaba imiryango yabuze ababo kwihangana.

Yagize ati “Impanuka y’ikamyo yamanukaga iturutse Kabari, yaggonze ivatiri yarimo izamuka yerekeza i Musanze, abarimo bose bahasiga ubuzima, 3 bari mu ivatiri, 2 bari mu ikamyo, inkuru ibababje nuko nta numwe wigeze abasha kurokoka iyi mpanuka, polisi yahageze harimo kurebwa uko imibiri y’aba bazize impanuka gazezwa mu buruhukiro bw’ibitaro bya Gisenyi.”

Umunyamabanga nshingwabikorwa w’umurenge wa Nyakiliba yihanganishije imiryango yabuze ababo muri iyi mpanuka, asaba abashoferi kujya basuzumisha ibinyabiziga byabo, kuko akenshi biba imbarutso mu gutera impanuka.

Kuwa 15 Gashyantare 2020, nabwo mu Kagari ka Nengo, mu Mudugudu wa Gikarani, Umurenge wa Gisenyi, mu karere ka Rubavu ku ikorosi ryo ku bitaro bya Gisenyi habereye impanuka ikomeye aho ikamyo itwara kontineri yagonganye na moto bituma abantu 4 bahasiga ubuzima abandi narenga 5 barakomereka.

Mu mwaka ushize nabwo kuwa 02 Ukwakira 2019 mu ikorosi ryo kuri ibi bitaro bya Gisenyi habereye impanuka y’ikamyo yagonze ibitaro ihitana umukozi w’Urwego rw’Igihugu rw’Ubugenzacyaha (RIB) wakoreraga mu Karere ka Rubavu mu Murenge wa Gisenyi.

Ivatiri yagonzwe n’ikamyo yacitse Feri

NSHIMIYIMANA Eric

NSHIMIYIMANA Eric

- Journalist and News Reporter @www.rwandanews24.com - Agricultural specialist and Analyst

error: Content is protected !!
Skip to toolbar