RURA yashyizeho ibiciro bishya by’ingendo zo kuri moto.

Kuri uyu wa Gatatu taliki ya 05/08/2020 Urwego Ngenzuramukorere(RURA) rwatangaje ibiciro bishya by’ingendo zo kuri moto.

Mu Itangazo bashyize ahagaragara bavuze ko ibiciro bashyizeho bizatangira kubahiriza kuva taliki ya 15/08/2020.

Ubusanzwe iyo umuntu yategaga moto y’umvikanaga n’uyitwaye ku giciro cy’amafaranga agomba kumwishyura bitewe n’urugendo rugiye gukorwa.

Mu Itangazo RURA yashyize ahagaragara birasa n’aho ibi bitazongera kubaho ahubwo umugenzi azanjya yishyura amafaranga bitewe n’ibirometero yagiye. RURA iratangaza ko hazajya hifashishwa ikoranabuhanga rya Mubazi, bityo rigafasha utwaye moto ndetse n’umugenzi kumvikana.

RURA yavuze ko kuva urugendo rutangiye, kugeza ku bilometero 2  umugenzi azajya yishyura amafaranga 300Frw.

Naho buri kilometero kimwe kiyongeraho hishyurwe amafaranga 133Frw.

Igihe utwara moto azaba ategereje umugenzi, tuvuge yenda anyuze ahantu gufata akanutu, iminota ntarengwa agomba kumara ni 10, hanyuma buri munota urengaho umugenzi azajya yishyura amafaranga 21 Frw.

Iyi niyo mubazi igomba gushyirwa kuri za moto

RURA ikomeza ivuga ko kuva taliki ya 15/08/2020 abatwara moto bose bakorera mu Mujyi wa Kigali bagomba kuba bafite izi mubazi, kandi iki gikorwa kizakomereza no muzindi Ntara.

 

 

Yanditswe na Theophile Bravery Umunyamakuru wa Rwandanews24

Theophile Bravery

Theophile Bravery

Journalist and News reporter @www.rwandanews24.rw, Graphic Designer, Photographer and IT consultant

error: Content is protected !!
Skip to toolbar