Kuri uyu wa 15 Kamena 2020 haratangira ubushakashatsi bwo kureba niba #GumaMurugo yasubiraho-Dr Nsanzimana

Kuri iki cyumweru taliki ya 14 Kamena 2020 Umuyobozi wa RBC Dr Nsanzimana yatangaje ko Leta yari yateganyije gusuzuma uko ubwandu bwa Coronavirus (butera Covid-19) buteye nyuma y’ibyumweru bibiri bishize havuyeho gahunda ya #GumaMurugo.

Kuva ku itariki 02 Kamena 2020 ubwo ingendo zongeye gusubukurwa hagati y’Umujyi wa Kigali n’Intara ndetse na moto zigakomorerwa gukora, imibare ya Minisiteri y’Ubuzima (MINISANTE) igaragaza ko abantu 198 banduye kugera ku cyumweru tariki 14 Kamena 2020.

Abaturarwanda n’abagenda muri iki gihugu MINISANTE ivuga ko bamaze gufatwa na Covid-19 kuva ku muntu wa mbere wagaragaye tariki 13 Werurwe 2020, baragera kuri 582, ariko hakabamo abakize bangana na 332.

Umuyobozi Mukuru wa RBC mu kiganiro yagiranye n’Ikigo cy’Igihugu cy’Itangazamakuru yavuze  ko umubare munini w’ubwandu bushya nyuma ya “Guma mu rugo” ngo bwaturutse ahanini ku batwara ibicuruzwa byambukiranya imipaka no ku bo banduje, ndetse no mu bipimo birenga 7,000 byafashwe mu karere ka Rusizi mu gihe cy’iminsi 10.

Dr Nsanzimana yasabye abambukiranya imipaka banyuze mu nzira zitemewe kubireka, ndetse n’Abaturarwanda muri rusange bakaba bagomba kwirinda bihagije mu gihe basohotse mu ngo.

Yagize ati: “Uko abantu bongera ingendo, uko intara zifunguka, uko za moto zigenda, uko abantu bakora imirimo itandukanye basohoka mu ngo, ntabwo ushobora kubigereranya na mbere bakiri mu rugo kuko ibyago byo kuba iyo virusi yagenda mu bantu biriyongera”.

“Ibyo bipimo (umubare w’abarwayi) kuba byarazamutse, impungenge zirahari, ariko akazi kacu ni ukugira ngo turebe niba ari za mpungenge zituma abantu basubira mu rugo, ese ni za mpungenge zituma bafata ingamba zo kumva ko gusohoka wambaye agapfukamunwa ari byo byiza kuruta kuguma mu rugo utagafite!”

“Ibyo ni ibintu tugenda tureba buri munsi, ndetse buri byumweru bibiri dukora ubushakashatsi ahantu hatandukanye, nko mu mujyi wa Kigali turabutangira kuri uyu wa mbere tariki ya 15/6/2020, turafata ibipimo ahantu hatandukanye, ikidutera impungenge ni igihe upimye abantu utunguranye ukabonamo abarwayi” nk’uko KT Press dukesha iyi nkuru yabyanditse.

Umuyobozi Mukuru wa RBC yatanze urugero rw’i Rusizi aho bafashe umwanzuro wo gupima abantu benshi bakagaragaramo abarwaye, bigatuma inzego zibishinzwe zifata ibyemezo byo guhangana n’ubwo bwandu kugira ngo budakomeza kwiyongera.

13 thoughts on “Kuri uyu wa 15 Kamena 2020 haratangira ubushakashatsi bwo kureba niba #GumaMurugo yasubiraho-Dr Nsanzimana

  • 15/06/2020 at 7:12 am
    Permalink

    izi ngamba nizo ariko ndumva bagashe umuntu wambukiranya imipaka rwihishwa ahanwe byinanga rugero

  • 15/06/2020 at 7:12 am
    Permalink

    Ndabina bitiroshye hagombye gushyira imbaraga kumipaka kuko bigaragara uturaka hanze

  • 15/06/2020 at 7:56 am
    Permalink

    Reka reka ntaguma murugo ibyiza nuko twakwiga kubana nayo Covid-19 dukomeza kwirinda naho gufata icyemezo cyo gusubira mumazu kwaba arugudubira inyuma cyane cyane economically cyane ko idateze gushira vuba

  • 15/06/2020 at 8:52 am
    Permalink

    Twaba tubaye igihugu cya1 cyvuye lockdown kigasubirayo,

    Ntacyo ark twese turahomba kdi soon or later bazongera baturekure icyorezo ntaho kizajyaaa😂😂😂😂😂😂😂😂

    • 15/06/2020 at 6:49 pm
      Permalink

      China muri capital Pekin basubiyemo. Erega abanyarwanda tugomba kumvira amabwiriza kugira ngo tutazasubiramo

  • 15/06/2020 at 9:06 am
    Permalink

    Iyo “guma murugo” izakorerwe ahantu haboneka abanduye mugihugu ariko si kubantu bose kuko byadusubiza inyuma cyane mubijyanye na income.

  • 15/06/2020 at 10:10 am
    Permalink

    Mubushishozi bwanyu twizera feedback muribuhabwe n’ubushakashatsi muri gukora nimusanga Gusubira kuguma murugo aribwo buryo bwiza bwo kwirinda mubyemeze tuzabyubahiriza kuberako kwirinda biruta kwivuza. murakabaho

  • 15/06/2020 at 10:20 am
    Permalink

    ariko kubwanjye ndumva guma murugo yakabaye isubiraho kuko niba hakiri ubwandu bushya kandi batubwiye ko hari ubwoko bw’abantu bandura ariko ntibagaragaze ubwandu ahubwo bakanduza abandi nubundi baracyahari kandi nabo bari kugenda nk’abandi baturage ubwo nanjye nkaba mfite impungenge kuri abo bantu. naho kumikoro nubundi gukomeza tugendana nayo ntacyo byinjiza mugihe umubare wabajyanwaga mukato uzaba wiyongereye cyane ntabwo bazaba bagiye gushaka amaronko ahubwo bazaba bagiye kongera umubare mubukene bw’igihugu kuko hazaba harimo abantu bakagombye kwinjiza no gushakisha iyo miberereho.

  • 15/06/2020 at 10:53 am
    Permalink

    You know to die is difficult however to exist and live is the most precious difficult gift and yet ain’t live and survive unless you’re working for what called primary needs in human life, lockdown it’s not the vital and sustained answer instead let us people learn how to live and fight with this pandemic ( Covid-19)

  • 15/06/2020 at 11:25 am
    Permalink

    No please, stay home,,, Jesus Chris, guma murungo

  • 15/06/2020 at 2:48 pm
    Permalink

    Lockdown, if it is back to all as it was. People’s life would be much worse. A man can’t live without working. We better learn all possible techniques to live with this pandemic

  • 15/06/2020 at 3:17 pm
    Permalink

    Iyabikozetharcisse1@gmail.com ibya economy abantu barwara byaba bimaze iki ahubwo byarutwa nuko twaba munzu amezi menshi abantu ntibandure abantu nibo bashaka ibintu ntabwo ibintu bishaka abantu

  • 15/06/2020 at 3:41 pm
    Permalink

    Kwirinda biruta kwivuza kbs nibabona ko guma murugo yadufasha kugabanya icyorezo bayisubizaho

Comments are closed.

error: Content is protected !!
Skip to toolbar