Madagascar yikuye mu bihugu binyamuryango bya OMS kuko yanze ruswa ya miliyoni 20$ ngo umuti bavumbuye uhumanywe

Perezida w’igihugu cya Madagascar Andry Rajoelina yatangaje ko igihugu cye kitakiri umunyamuryango w’ishami rya ONU rishinzwe ubuzima ku isi OMS.

Perezida Andry Rajoelina n’umujinya mwinshi yavuze ko OMS iri gukora ibishoboka byose kugira ngo umuti wavumbuwe na Madagascar bivugwa ko uvura COVID 19 iwuteshe agaciro .

Perezida Rajoelina yahishuye ko OMS yashatse kumuha ruswa ingana 20.000.000$ kugira ngo ashyire ibihumanya muri uwo muti,  abazawukoresha ukabagiraho ingaruka cyangwa ukabica bitume uhita uteshwa agaciro.

Yagize ati:”Abanyaburayi bashyiraho imwe mu miryango mpuzamahanga bagamije gukandamiza no kwigarurira abanyafurika. Afurika yavumbuye umuti uvura covid-19 ariko abanyaburayi bibwira ko aribo bonyine bafite ubumenyi, akaba ari nayo mpamvu banze kuwemeza. Guhera uyu munsi ntitukiri umunyamuryango wa OMS kuko vuba aha bashatse kumpa ruswa ingana 20.000.000$ maze bambwira ko ngomba gushyira ibihumanya mu muti twavumbuye uvura COVID-19, ariko ibi nabiteye utwatsi rwose.”

Perezida Andry Rajoelina yanongeyeho ko abanyaburayi bari kugerageza gukora igisa n’umuti wavumbuwe n’igihugu cye kandi nyamara utavura, ahubwo ushobora kwangiza ubuzima bw’abantu ngo bagamije gutesha agaciro uwo Madagascar yavumbuye. Yasabye abaturage ba Afurika kuba maso.

Yagize ati:”abantu bagomba kuba maso, umuryango wa OMS twabereye abanyamuryango twibwira ko uzadufasha naho aruwo gushaka kwica abanyafurika. Igihugu cyanjye Madagascar cyabashije kuvumbura umuti uvura COVID-19 ariko abanyaburayi baheruka kungezaho umushinga wo gushyira ibihumanya muri uyu muti kugirango wice inshuti zanjye z’Abanyafurika zizawukoresha.

Ndasaba abanyafurika bose , kudakoresha urukingo rwabo kuko rushobora kubica rwose, ahubwo abarwaye muze muri Madagascar, igihugu cyanjye kiteguye kubakira no kubaha umuti nyawo nk’uko Rwandatribune yabyanditse.

Umuti wacu ufite ibara ry’umuhondo ntimuzigere mugura usa n’icyatsi kuko uwo uva i burayi , bakaba baragerageje kuwutwiba,  ariko bashyiramo uburozi kugira ngo bice Abanyafurika ku mpamvu z’uko bashaka ko urukingo rwabo arirwo rwonyine ruzakoreshwa , ariko twe tukaba ntacyizere turufitiye”.

Hari hashize hafi amezi abiri igihugu cya Madagascar cyemeje ko cyavumbuye umuti uvura COVID-19,  ariko umuryango wa OMS ukomeza kutemera uvuga ko uwo muti utapfa kwizerwa kuko utarakorerwa isuzuma n’inzego za OMS zibishinzwe gusa bimwe mu bihugu bya Afurika byatangiye gutumiza uyu muti kugira ngo ukoreshwe iwabo.

 

6 thoughts on “Madagascar yikuye mu bihugu binyamuryango bya OMS kuko yanze ruswa ya miliyoni 20$ ngo umuti bavumbuye uhumanywe

  • 24/05/2020 at 5:04 am
    Permalink

    Ni nde wakubwiye kwandika inkuru nk’iyi ntutugaragarize aho wayikuye????????

  • 24/05/2020 at 7:30 am
    Permalink

    Mbega inkuru mbi.

  • 24/05/2020 at 10:49 am
    Permalink

    Mwakoze kuduha iyi nkuru . Ariko haraburamo iby’ingezi ngo twizere ko Ari ukuri. Duhe amajwi ya ANDRY RAJOELINA

  • 24/05/2020 at 12:39 pm
    Permalink

    Oms rwose iba yibereyemo ruswa gusa

  • 24/05/2020 at 12:39 pm
    Permalink

    Aha nta bunyamwuga wandikanye iyi nkuru pe! Nonese ni wowe yabibwiye ibi? We need source of information please.!

  • 24/05/2020 at 3:27 pm
    Permalink

    Kuki abantu muhakana reka dutegereze turebe ibyaribyo byose byagaragayeko ntacyo OMS yifuje kugira icyo ivuga kuri uriya muti ni ukuvuga gusa ngo nturemerwa ntibagaragaza ingaruka cg ubushakashatsi bwakozwe. Katurebe Imana izaturinda ibyo bapanga bizajya bibagarukira byaba Bibi cg byiza.

Comments are closed.

error: Content is protected !!
Skip to toolbar