MINEDUC yasohoye Ingengabihe nshya y’Umwaka w’amashuri wa 2020-2021

Minisiteri y’Uburezi mu Rwanda (MINEDUC) yasohoye ingengabihe nshya y’umwaka w’amashuri wa 2020 ndetse n’uko amafaranga y’ishuri azishyurwa, iyi ngengabihe ikazatangira muri nzeri 2020 ukazarangira muri Gicurasi 2021.

MINEDUC iherutse gutangaza ko kubera icyorezo cya COVID-19 gikomeje kwibasira isi harimo n’u Rwanda, amashuri abaye ahagaze, abanyeshuri bakazasubira ku masomo muri Nzeri 2020.

Kuva ibi byatangazwa, abanyarwanda batangiye kwibaza ibibazo byinshi birimo kwibaza niba ari ingengabihe nshya bagiye kujya bakurikiza, bibaza niba amafaranga bishyuye bazayaheraho, hibazwa imibereho ya mwarimu muri iki gihe atari gukora,..

Ku bijyanye n’ingengabihe, Minisiteri y’Uburezi yatangaje ko amashuri azafungura muri Nzeri 2020 umwaka ukazarangira muri Kamena 2021.

Ubwo amashuri yafungaga imburagihe muri Werurwe 2020 kubera icyorezo cya COVID-19, abanyeshuri bari mu myiteguro y’ibizamini bityo mu gihe amashuri azaba yongeye gufungura hazabanza harebwe niba abana bari ku kigero kimwe.

Abigaga mu mashuri makuru bari basigaje amezi abiri gusa kugira ngo basoze umwaka w’amashuri. Iyi minisiteri ivuga ko bazafungura muri Nzeri 2020 bagasoza umwaka w’amashuri mu Ugushyingo 2020, mu Ukuboza  2020 abandi bagahita batangira kwiyandikisha.

Ibigo byose byigenga bisanzwe bikurikiza porogaramu ya leta, bizakomeza kubahiriza ingengabihe nshya. Gusa iyi gahunda ntireba ibigo mpuzamahanga kuko bizakomeza kubahiriza gahunda bisanzwe bikuriza.

Ese ababyeyi bazongera kwishyura amafaranga y’ishuri?

MINEDUC ivuga ko ababyeyi bishyuye amafaranga y’ishuri y’igihembwe cya mbere bazongere bakishyura andi kuko abanyeshuri batashye igihembwe gisa n’icyarangaiye dore ko bari basigaje gukora ibizamini gusa.

Iyi Minisiteri ikomeza ivuga ko ababyeyi bari bishyuye minerivali y’umwaka wose, bazishyura gusa amafaranga y’igihembwe kimwe.

Kuva abanyeshuri basubira mu miryango yabo kubera kubera kwirinda ikwirakwira ry’icyorezo cya COVID-19, leta y’u Rwanda yahise ishyiraho gahunda yo kwigisha hifashishijwe ikoranabuhanga nko gutanga amasomo kuri televiziyo no kuri radiyo.

Gusa ku badashobora kubona uburyo bwo gukurikira amasomo kuri televiziyo cyangwa radiyo bamazwe impungenge kuko mu gihe amashuri azaba yongeye gutangira abarimu bazabanza gufasha abanyeshuri kugendera ku murongo umwe.

Abarimu brasabwa kugana umwalimu SACCO bagahabwa inguzanyo n’abafite undi mwenda bakoroherezwa kubona andi mafarnga abafasha kubaho muri iki gihe batari kwigisha.

Amashuri yigenga azafashwe nk’indi mishinga y’ubucuruzi. Ibi bivuze ko bashobora gusaba inguzanyo cyangwa ibikoresho by’ubutabazi nkenerwa (relief packages). Amashuri yigenga arashishikarizwa kuzitabira iyi gahunda kugira ngo bashobore gusubiza ibibazo bishingiye ku bikenerwa by’ibanze by’abarimu babo.

Kuva icyorezo cya COVID-19 cyagera mu Rwanda kuwa 14 Werurwe 2020, leta yahise ifata ingamba zo kurinda ikwirakwira ry’iki cyorezo harimo gufunga ahahurira abantu benshi harimo amashuri, amasoko, imikino.

Ku n’uko amataliki y’ibihembwe akurikirana MINEDUC yavuze ko muzabimenyeshwa mu minsi iri imbere.

 

7 thoughts on “MINEDUC yasohoye Ingengabihe nshya y’Umwaka w’amashuri wa 2020-2021

  • 07/05/2020 at 3:51 pm
    Permalink

    Hatekerezwe cyane Ku barezi/abarimu bigisha mu mashuri yigenga kuko nabo barerera igihugu

  • 07/05/2020 at 6:21 pm
    Permalink

    Mujye mubanza musesengure neza ibyo mwandika mbere yo kubitangaza. Ntibishoboka ko umwaka warangira mukwa gatanu. Ingengabihe mwavuze ntayo mbona mubyo mwanditse. Ikindi abishyuye umwaka wose bazishyura igihembwe kimwe.
    Rwose mujye mushyira ubunyamwuga mubyo muvuga
    Ntimukabeshye ngo mukabye. Merci.

  • 08/05/2020 at 6:06 am
    Permalink

    None se iyongengabihe iriho?

  • 08/05/2020 at 6:48 am
    Permalink

    “Iyi Minisiteri ikomeza ivuga ko ababyeyi bari bishyuye minerivali y’umwaka wose, bazishyura gusa amafaranga y’ibihembwe bibiri.”
    Harimo ikosa, … ababyeyi bishyuye umwaka wose bazishyura igihembwe kimwe …
    Mwadushakira/mwadushyiriraho iyo ngengabihe, tukagira amakuru yuzuye.

  • 08/05/2020 at 7:23 am
    Permalink

    Ariko ubu koko namwe ngo muri abanyamakuru? Ni ukutamenya icyongereza cyanditswe ku rubuga rwa MINEDUC, cg ni ubujiji gusa mwifitiye?
    Abantu bishyuye umwaka wose bazishyura gusa igihembwe kimwe,
    Abishyuye igihembwe kimwe ntibazasubizwa.
    May-june ntabwo bivuze muri gicurasi.

  • 08/05/2020 at 7:36 am
    Permalink

    Iyo ngengabihe mwavuze haruguru irihe kontayotwabonye?
    S’il vous plait mujye mugerageza mwandike mushyizemo ubunyamwuga.

Comments are closed.

error: Content is protected !!
Skip to toolbar