Ese koko Ingagi zo mu Birunga zasohotse Pariki zijya kureba abantu?

YASUWE 8 

Hirya no hino ku nkuta z’abakoresha imbuga nkoranyambaga mu Rwanda hakomeje gukwirarakwira ifoto y’ingagi iri mu mirima y’abantu bituma bamwe batekereza ko hari iyavuye mu birunga ikaza mu baturage.

Bamwe baravuga ko ari ingagi zo muri pariki y’ibirunga mu Rwanda zatangiye kuyivamo ziza mu gice kibamo abantu kubera gahunda ya Guma mu rugo.

Abandi bo baratebya bavuga ko izi nyamaswa zidaheruka gusurwa n’abantu, kubera ingamba zo kurwanya coronavirus, ubu nazo zaba zaje kubasura ngo zimenye icyabaye.

Ukuri kw’iyi Ngagi ni ukuhe?

BBC dukesha iyi nkuru yanditse ko iyi ni ifoto yatangajwe ejo kuwa gatatu taliki ya 22 Mata 2020 ku rubuga rwa Facebook rw’umuryango mpuzamahanga utegamiye kuri leta kandi udaharanira inyungu witwa “Gorilla Doctors”.

Uyu muryango ukora ibikorwa byo kuvura ingagi zo mu misozi y’ibirunga bihuriweho n’u Rwanda, DR Congo na Uganda.

Watangaje iyi foto ku munsi w’ejo taliki 22/04 /2020 kuko wari  umunsi mpuzamahanga wahariwe Isi.

Kuri iyi foto watanze ubutumwa buvuga ko “uzirikana ihuriro ry’imibereho risangiwe n’abantu, inyamaswa n’ibidukikije. Ko ubuzima bwa buri kimwe bugira ingaruka kuri byose”.

Uyu muryango usobanura ko kuri iyi foto hariho ingagi yitwa Byishimo yo mu muryango Igisha mu birunga byo ku ruhande rw’u Rwanda yafotowe mu 2019.

Kubera gahunda ya Guma mu rugo,mu minsi ishize,nibwo uyobora ba mukerarugendo muri pariki yitwa Kruger witwa Richard Sowry yarimo atembera,agwa ku muganda w’intare nyinshi ziryamiye mu muhanda niko kuzifotora amafoto yakwirakwiriye hirya no hino ku isi.

Kruger kimwe n’izindi pariki z’igihugu zarafunzwe kubera Coronavirus ariyo mpamvu imihanda yerekeza muri iyi pariki y’igihugu yahise yibera isenga ry’intare.

Ubwo Richard yarimo yerekeza kuri Orpen Rest Camp atwaye imodoka ye,yabonye izi ntare nyinshi ziryamye mu muhanda hasigaye metero 5.5 ngo azigereho niko kuzegera azifata amafoto akoresheje telefoni ye.

Nubwo yafashe umwanya munini afotora izi ntare,ntizigeze zihungabana ndetse ngo inyinshi zari zasinziriye ku buryo zitamenye ibiri kuba.

Yagize ati “Intare zimenyereye ko abntu bagenda mu modoka.Inyamaswa zose zitinya abantu iyo bari kugenda n’amaguru ariyo mpamvu iyo nkomeza kuzegera zitari gutuma nzegera.”

Uretse muri Afurika y’Epfo,Hirya no hino ku isi hagiye hagaragara amafoto y’inyamaswa zaje mu mijyi kubera kutabona abantu basabwe kuguma mu rugo.

error: Content is protected !!
Skip to toolbar