October 22, 2021

Rwandanews24

Publishing Factual, verified and accurate stories

Burundi: Impanuka y’ikamyo yahitanye abantu 6 barimo umugore umwana yari atwite ararokoka

YASUWE 20 

Impanuka y’ikamyo yabaye mu gace ka Kamenge mu ijoro ry’ejo ku cyumweru taliki ya 29 Werurwe 2020 yahitanye abantu batandatu, umwe muri bo ni umugore utwite ariko umwana yari atwite yavanywe mu nda ya nyina ari muzima.

Ibi byemejwe na minisiteri y’umutekano mu Burundi, ivuga ko iyi mpanuka yatewe n’uko iyi modoka yagize ikibazo cya feri.

Ku mbuga nkoranyambaga, ababonye iyi mpanuka bavuze ko iyi kamyo yagonze imodoka nyinshi ndetse ko ishobora kuba yishe abantu benshi.

Minisiteri y’umutekano mu Burundi ivuga ko hapfuye abantu batandatu hagakomereka batanu naho imodoka icumi zindi zikangirika.

Abantu muri aka gace batangajwe no kurokoka k’uyu mwana wavanywe mu nda ya nyina aho iyi mpanuka yabereye ari muzika nk’uko umwe mu banyamakuru i Bujumbura yabibwiye BBC dukesha iyi nkuru.

Avuga ko uyu mwana yahise ajyanwa kwa muganga, kimwe n’inkomere n’abapfuye.