October 19, 2021

Rwandanews24

Publishing Factual, verified and accurate stories

Umunyamakuru Makamba abaye umuntu wa mbere wishwe na Coronavirus muri Zimbabwe

YASUWE 26 

Zororo Makamba  ni umunyamakuru wari ukunzwe mu gihugu cya  Zimbabwe, akaba ari nawe muntu wambere uhitanywe n’icyorezo cya Coronavirus.

Aya makuru akaba yemejwe na Minisitiri w’ubuzima muri Zimbabwe Obediah Moyo ko uyu munyamakuru yahitanywe na coronavirus.

Makamba w’imyaka 30 y’amavuko, yabaye umuntu wa kabiri muri Zimbabwe wanduye icyorezo cya Virusi ya Corona.

Urupfu rwe rwanemejwe na Mutumwa Mawere, umucuruzi ukomeye w’Umunya-Zimbabwe. Abinyujije kuri Twitter yagize ati ” Zororo Makamba, umuhungu wa James Makamba yitabye Imana. Namenye iby’iki gihombo gikomeye cyatewe na Virusi. Umunyembaraga wari ufite akazoza yakomeye yaguye. Corona iriho by’ukuri. Tube turuhutse dusubize amaso inyuma. Ubuzima ni ikintu cy’agaciro kanini.”

Bikaba bivugwa ko uyu munyamakuru yasanzwe mo coronavirus kuwa Gatandatu tariki ya 21 Werurwe kandi akaba yari yavuye muri reta zunze ubumwe z’Amerika tariki ya 09 Werurwe.

Uyu munyamakuru akaba yari umuhungu w’umucuruzi ukomeye mu gihugu cya Zimbabwe James Makamba.