October 24, 2021

Rwandanews24

Publishing Factual, verified and accurate stories

Amakuru mashya ya coronavirusi taliki ya 20 Werurwe 2020 abanduye bakomeje kwiyongera

YASUWE 24 

Ministeri y’Ubuzima mu ijoro ryo kuri uyu wa gatanu taliki ya 20 Werurwe 2020 yatangaje ko mu Rwanda hagaragaye abandi barwayi ba Coronavirus batandatu, muri rusange baba 17.

Abarwayi babiri ba mbere ni Umufaransakazi w’imyaka 30 y’amavuko hamwe n’umwana we w’imyaka 10 y’amavuko. Uwo bashakanye ni umwe mu bagaragayeho Coronavirus mu minsi.

Uwa gatatu ni Umunyarwandakazi w’imyaka 32 y’amavuko waje aturuka mu mugi wa Dubai taliki ya 19 Werurwe 2020. Ibimenyetso byagaragagaye agipimwa ku kibuga cy’indege.

Uwa kane ni umugabo w’Umunya-Swede ufite imyaka 26 y’amavuko wageze mu Rwanda aturutse muri Swede taliki ya 3 Werurwe 2020. Yagaragayeho ibimenyetso taliki ya 18 Werurwe 2020.

Uwa gatanu ni umugabo w’Umunyarwanda w’imyaka 32 y’amavuko usanzwe akorera ingendo mu mahanga. Yagaragayeho ibimenyetso taliki ya 18 Werurwe 2020.

Uwa gatandatu ni Umunyarwanda w’imyaka 24 y’amavuko wageze mu Rwanda taliki ya 19 Werurwe 2020. Yari avuye mu Buhinde, anyura i Doha muri Qatar.

Minisiteri y’Ubuzima isaba Abanyarwanda kubahiriza amabwiriza yo gukumira iki cyorezo nko kwimakaza umuco w’isuku. Isaba umuntu ugaragayeho ibimenyetso nk’ibya Coronavirus birimo umuriro n’inkorora,  ko yahamagara umurongo utishyurwa wa 114 cyangwa se akagana umujyanama w’ubuzima umwegereye.