October 20, 2021

Rwandanews24

Publishing Factual, verified and accurate stories

Umuntu wa mbere yishwe na coronavirus muri Afrika

YASUWE 18 

Mukerargendo ukomoka mu Budage wari urimo kuvurwa coronavirus mu Misiri ni we muntu wa mbere yishe utangajwe ku mugabane wa Afurika.

Uwo mugabo w’imyaka 60 y’amavuko yari yageze mu Misiri mu cyumweru gishize avuga ko yumva arimo guhinda umuriro.

Yajyanywe ku bitaro byo mu gace ko kuruhukiramo ka Hurghada ko ku nkengero y’inyanja itukura (Red Sea) ngo ahavurirwe ari naho baje kumusangamo coronavirus.

Ibiro ntaramakuruby’abafaransa  AFP bitangaza ko guhumeka kwe kwari kubangamiwe no “kwangirika gukomeye kw’ibihaha”.

Uwo murwayi yapfuye nyuma yo kwanga kwimurirwa mu cyumba cyo kwa muganga cyo mu kato.

Ku wa gatandatu taliki ya 7 Werurwe 2020, minisiteri y’ubuzima ya Misiri yatangaje ko hari abantu 45 bashya banduye coronavirus barimo n’abagenzi bari mu bwato, bituma umubare w’abamaze kuyandura bose hamwe muri icyo gihugu ugera kuri 48.

BBC nayo yanditse ko ubwo bwato bwashyizwe mu kato ndetse abanduye bakurwamo bashyirwa ahantu habugenewe h’akato haherereye mu majyaruguru y’icyo gihugu.

Dore uko imibare y’abantu bemejwe ko banduye coronavirus muri Afurika ihagaze kugeza ubu:

  • Misiri:48
  • Algeria: 17
  • Sénégal: 4
  • Afurika y’Epfo: 3
  • Maroc: 2
  • Cameroun: 2
  • Tunisia: 1
  • Togo: 1
  • Nigeria: 1