October 19, 2021

Rwandanews24

Publishing Factual, verified and accurate stories

Coronavirus ngo yaba yageze ku umugabane w’Africa

YASUWE 22 

Minisiteri y’Ubuzima mu gihugu cya Misiri, yatangaje ko muri iki gihugu hagaragaye umurwayi ufite indwara ya Coronavirus gikomeje gutwara ubuzima bw’abatari bake.

Itangazo ryasohowe na Minisiteri y’ubuzima mu Misiri rivuga ko uriya muntu atari Umunya-Misiri, ariko ntirigaragaza ubwenegihugu afite.

Umuvugizi w’iyi Minisiteri, Khaled Megahed, yavuze ko bafashe ingamba zikomeyehe zo guhangana na kiriya cyorezo, ndetse bakaba bari gukurikiranira hafi uyu murwayi utaratangazwa amazina.

Ati” Minisiteri yashyizeho amabwiriza yo kwirinda ndetse iri gukurikiranira hafi uriya murwayi kuri ubu ameze neza.”

Leta ya Misiri yamenyesheje Ishami ry’Umuryango w’Abibumbye ryita ku buzima (OMS) amakuru y’uriya murwayi, biba ngombwa ko ashyirwa mu kato nk’uko Top santé yabitangaje.

Magingo aya mu Bushinwa harabarurwa abarenga 1400 bamaze guhitanwa n’icyorezo cya Coronavirus kitaramara ibyumweru bibiri cyadutse.

Mu bihugu butandukanye bya Afurika hagiye humvikana inkuru z’abantu bashyizwe mu kato, gusa ntawe byari byemezwa ko arwaye Coronavirus.