October 24, 2021

Rwandanews24

Publishing Factual, verified and accurate stories

Menya imvo n’imvano y’amakimbirane hagati ya Amerika na Iran

YASUWE 22 

Nk’uko amakuru y’itutumba ry’intambara hagati ya Amerika na Iran mu Burasirazuba bwo hagati bivugwa ko uyu mwuka w’intambara hagati y’ibi bihugu watewe n’urupfu rwa Gen. Gen Qassem Soleimani, ariko siko bimeze kuko ibikorwa bya Irani muri Amerika bihagarariwe n’ikindi gihugu aricyo Pakistani naho ibikorwa bya Amerika muri Irani zikaba zihagarariwe n’igihugu cy’Ubusuwisi.

Ngirengo urumva ko urupfu rwa Gen. Gen Qassem Soleimani atarirwo ntandaro kuko n’ubundi ibi bihugu bisanzwe bidacana uwaka kugeraho buri kimwengihagararirwa kandi mu bisanzwe cyakagambye kwigererayo.

Uyu munsi rwandanews24 igiye kubagezaho imvo n’imvano ku makimbirane hagati ya Amerika na Iran yavuyemo iyicwa rya Gen. Gen Qassem Soleimani kuwa  Gatatu taliki ya 3 Mutarama 2020.

Umwami wa Iran Mohammad Reza Pahlavi mbere           y’impinduramatwara ya Kisilamu                                 

Umubano hagati ya Amerika na Iran watangiye 1883 icyogihe Irani yitwaga Perise, 1886 batangiye umubano ushingiye kuri za Ambasade. Perise yasimbuwe n’ingoma y’umwami w’abami ya Irani  1934, umubano warakomeje Irani iba inshuti magara ya  mbere ya Amerika mu Burasirazuba bwo hagati, kugeza umwami w’abami wa Iran Mohammad Reza Pahlavi ahiritswe na revolution ya kisilamu yari iyobowe na Sayyid Ruhollah Musavi Khomeini wamenyekanye nka Ayatollah Khomeini.

Mohammad Reza Pahlavi yarahunze ahungira mu bihugu bitandukanye birimo Misiri, Maroc, Hamas na Mexic  yasabye ubuhungiro muri Amerika irabumwima, ariko imuha uruhushya rwo kujya yo  kwivuza yo  cancer yari amaze imyaka arwaye imuzengereje imugeze kure . Mohammad Reza Pahlavi yageze mu bitaro mu mujyi wa New York mu kwezi k’Ukwakira 1979.

Hashize ibyumweru 2, hari ku italiki ya 4 Ugushyingo 1979, abanyeshuri ba Irani (abanya – iran) bahawe umugisha n’umuyobozi w’ikirenga mushya w’igihugu cyabo   Ayatollah Khomeini bateye Ambasade ya Amerika bityo Iran barayigarurira. Bafashe bugwate abadipolomate ba Amerika 52,  basabaga ko Amerika isubiza Mohammad Reza Pahlavi muri Iran kugirango aburanishwe.

Sayyid Ruhollah Musavi Khomeini wamenyekanye nka Ayatollah Khomeini, wari       uyoboye impinduramatwara ya Kisilamu muri Iran                                                

Mu kwezi k’Ukuboza 1979 Misiri ya yemeye kwakira burundu umwami w’abami wa Irani noneho Amerika iramwohereza Mohammad Reza Pahlavi niho yaguye taliki ya 27 Nyakanga 1980 azize ya Cancer. Iran yo ntiyigeze irekura ba badipolomate 52 ba Amerika, yabafungiye muri Ambasade yabo iminsi 444 mbere yo kubarekura  taliki ya 20 Mutarama 1981 nyuma y’imishyikirano yari umaze igihe.

Iki kibazo cyabaye intandaro yo guca umubano hagati ya Irani na Amerika ku italiki ya 7 Mata 1980, Ambasade zarafunzwe. Kuva icyo gihe inyungu za Amerika muri Irani zihagarariwe n’Ubusuwisi naho iza Iran muri Amerika zihagarariwe na Pakistani.

Mu by’ukuri bigaragara ko kuva 1980, Iran na Amerika bameze nk’abari mu ntambara itagaragara. Kubera intambara ya Iran na Irak yabaye kuva 1980 kugera 1988, Amerika  ndetse n’ibindi bihugu bitandukanye byohereje amato y’intambara yo kurengera ubucuruzi mu muhora wa Hormuz, abahanga bavuga ko peterori y’isi irenga 30% inyura muri uyu muhora itwawe n’amato manini cyaye ituruka mu bihugu bikikije ikigobe cya Perisi.

Kohereza amato y’iriya ntambara muri kariya karere byavuyemo imirwano ikomeye hagati y’ingabo zirwanira mu mazi za Amerika na Iran. Imirwano yakaze cyane cyane muri Mata 1988 mu cyiswe intambara ya Sasan na Sir. Sasan na Sir ni amariba ya Peterori ya Iran ari mu mazi mu Nyanja y’ Ikigobe cya Perisi.

Abanyamerika barashenye bapfusha  abasirikare 2 batakaza na kajugujugu y’intamba 1. Naho Iran yapfushije abasirikare 87, itakaza burundu amato y’intambara 3. Ubundi bwato bw’intambara 1 n’indege y’intambara 1bya Iran  byarangiritse cyane. Muri Nyakanga  1988, ubwato bw’intambara bwa Amerika bwitwa USS Vincennes(49) bwarashe indege ya gisivile ya Iran, Iranair no 655 iri mu kirere cy’Ikigobe cya Perisi. Yavaga I  Tehran mu murwa mukuru wa Iran yerekeza I Dubai. Yari itwaye abagenzi 274 n’abadereve n’abakozi bayo 16, bose uko ari 290 ntawarokotse.

Komanda wa USS Visenz, yasobanuye ko yayirashe yibeshye akeka ko ari indege y’ intambara yari imuteye.

Ubu nibwo bwato bwa Amerika USS Vincennes (49) bwifashishijwe mu guhanura     indege ya Iran                                                                                                  

Guhera 1995, Amerika yakomanyirije Iran ku buryo bukomeye mu nzego z’ubukungu, imari, ubucuru na gisirikare, kubera gahunda ya Irani ya Nikeleyere. Abahanga bemeza ko ibi bihano bimaze gushegesha Iran. Mu bihe bya vuba Amerika n’amahanga bareze Iran ibyo gushotorana bavuga ko yarashe ku mariba ya peterori muri Arabia Saudit, ko yagabye ibitero byo gufata bugwate amato y’ubucuruzi y’amahanga atandukanye, Amerika irega kandi Iran ko iri inyuma y’intambara zo muri Siriya, Liban na Yemeni no gukoresha iterabwoba ryahitanye abanyamerika benshi. Uwo Amerika yashinjaga kuyobora ibi bikorwa byose ni Gen. Gen Qassem Soleimani.

Ababikurikiranira hafi bemeza ko guverinoma ya George W Bouche wategetse Amerika kuva 2001 kugera mu 2009 na Barack Obama wategetse kuva mu 2009 kugera mu 2017, batekereje guhitana Gen Qassem Soleimani inshuro nyinshi, ariko bagiye babyigizayo kubera kwanga ingaruka mbi byashoboraga kugira.

Perezida Donald Trump we yafashe icyemezo cyo kumwica (Gen Qassem Soleimani), Amerika yamurasiye I bagdad muri Irak kuwa  Gatatu taliki ya3 Mutarama 2020. Ese hari ingaruka bizagira?? Tubitege amaso.

Iki cyegeranyo twagikoze twifashishije ibinyamakuru bitandukanye birimo www.fighterjetsworld.com, www.iranchamber.com, www.robinsonlibrary.com na www.yemenpress.org.