October 26, 2021

Rwandanews24

Publishing Factual, verified and accurate stories

Ahazaza ha Isco hashobora kuba hari kumwerekeza mu ikipe ya Chelsea

YASUWE 26 

Umukinnyi Isco ukina hagati mu kibuga asatira mu ikipe ya Real Madrid ashobora gutandukana na yo mu gihe cyose ikipe ya Chelsea yagaragaje ko imushaka iramutse itanze miliyoni 40 z’amapawundi kuko uyu mukinnyi muri uyu mwaka w’imikino atarimo gukoreshwa cyane muri Real Madrid,kandi nawe ubwe akaba atishimiye kuguma muri iyi kipe kandi adakoreshwa.

Isco

Francisco Román Alarcón Suárez w’imyaka 26 ariwe uzwi nka Isco  ngo kuva muri iyi kipe ya Real Madrid biraterwa n’uko ku isonga abona ahazaza he muri iyi kipe hatamuha icyizere, dore ko n’umutoza Zinedine Zidane yagaragaje ko  yifuza kwigurira umukinnyi wa Tottenham Cristian Ericksen nawe uri ku musoza w’amasezerano ye mu ikipe ya Tottenham.

Kuva mu ntangiriro z’uyu mwaka , ikipe ya Chelsea yari yarafatiwe ibahano byo kutagura cyangwa ngo igurishe abakinnyi gusa kuri ubu nyuma yo gukomorerwa umutoza wayo Frank Lampard yahawe miliyoni 150 z’ama Euro ngo abe yakubaka iyi kipe ,ku buryo umukinnyi Isco ashobora kuba uwa mbere yaheraho agura ,igihe cyose baba babamaze kumvikana na Real madrid.

Kuva Isco yageze mu ikipe ya Real ntabwo yagiye akunda kubona umwanya uhagije wo gukina, kuko kuva mu mwaka wa 2013 ayigezemo ubwo yari avuye mu ikipe ya Malaga amaze gukinira Real Madrid imikino 194 yose hamwe yaratsinzemo ibitego 35, by’umwihariko muri uyu mwaka w’imikino wa 2019-2020 Isco amaze gukinira iyi kipe imikino 13 aho kugeza ubu nta gitego na kimwe aratsinda.