October 24, 2021

Rwandanews24

Publishing Factual, verified and accurate stories

Abarwanyi 56 ba CNRD bafatanwe n’intwaro zabo

YASUWE 60 

Abarwanyi 56 b’inyeshyamba za CNRD (Conseil National pour la Renaissance et la Démocratie) bafashwe n’igisirikare cya Congo hamwe n’imbunda zabo 10.

Umuvugizi w’igisirikare cya FARDC mu Ntara ya Kivu y’Amajyepfo, Capt Dieudonné Kasereka yemeje aya makuru kuri uyu wa Kane taliki ya 19 Ukuboza 2019, ko bafashe aba barwanyi 56 biyongera ku bandi 400 n’ababakomokaho bishyikirije izi ngabo za Leta.

Yagize ati « Nyuma y’ibitero byagabwe ku nyeshyamba za CNRD mu ishyamba rya Kanyonga riherereye i Nindja muri Teritwari ya Kabare na Nzibira muri Teritwari ya Walungu, FARDC yafashe ababakomokaho n’inyeshyamba 56 hamwe n’imbunda 10 zo mu bwoko bwa AK 47″.

Nyuma yo gufata izi nyeshyamba, ikinyamakuru 7suru7  gitangaza ko zajyanwe mu kigo cya gisirikare cya Nyamunyunyi muri Teritwari ya Kabare, kiri mu bilometero 30 uvuye mu mujyi wa Bukavu.

Abaturage bo muri utu duce basabwe gutungira ingabo za Leta aho inyeshyamba zisigaye zihishe hanashakishwa aho zagiye zihisha intwaro zazo nyuma yo gukubwa mu birindiro byazo.

Umutwe wa CNRD (National Council for the Renaissance and Democracy) wiyomoye kuri FDLR ukaba urwanya Leta y’u Rwanda. Umaze hafi ukwezi igabwaho ibitero muri iyi ntara ya Kivu y’Amagepfo, bamwe bakicwa abandi bagafatwa mpiri.

Ubwo Perezida Felix Tshisekedi yaganiraga n’Inteko Ishinga Amategeko ya RDC, ku wa 13 Ukuboza 2019, yemeje ko abarwanyi 1721 ba CNRD/FDLR bafashwe ndetse 95% by’ibirindiro by’uyu mutwe byamaze gufatwa. Kugeza ibu 291 bakaba barashyikirijwe u Rwanda.