October 20, 2021

Rwandanews24

Publishing Factual, verified and accurate stories

Rurageretse hagati y’uruganda Volkswagen na Canada ishinja uru ruganda amanyanga no kwinjiza ibinyabiziga bihumanya ikirere.

YASUWE 20 

Uruganda rwo mu gihugu cy’Ubudage Volkswagen rukora imodoka rurashinjwa na Canada kwinjiza muri iki gihugu ibinyabiziga bisohora imyuka ihumanya ikirere ndetse no gutanga amakuru y’ibinyoma ku bijyanye n’ibicuruzwa byabo kuri iki kibazo cyo kuba bisohora imyuka ihumanya ikirere.

Uruganda Volkswagen rumaze kuba ikimenyabose kubera iki kibazo cyo gukwirakwiza ibinyabiziga bisohora imyuka ihumanya ikirere kuko kugeza ubu ibihugu birenga 50 byose bidacana uwaka narwo kubera iki kibazo, none ubu Canada niyo igezweho kurushyira mu majwi.

Volkswagen irashinjwa ibyaha byinshi n’igihugu cya Canada byinganjemo ibyo kurenga ku mabwiirinza agenderwaho n’igihugu yo kubungabunga ibidukikije ndetse no gutanga amakuru adafite aho ahuriye n’ukuri ku nzego z’ubuyobozi bw’igihugu.

Nkuko tubikesha RT.com hagati ya 2008 na 2015 uruganda Volkswagen rwinjije muri Canada imodoka zikoresha amavuta zigera ku 128,000 zitari zujuje ibipimo ngenderwaho ku bijyanye no kudasohora imyuka ihumanya ikirere. Izi modoka zose zinjijwe zari zikoreyemo ikoranabuhanga ryatumaga zigaragaza ibihabanye cyane n’imikorere yazo ku myotsi zisohora, aho iri koranabuhanga ryazifashaga kugaragaza ko zisohora imyotsi mike cyane kurusha iyo zasohoraga.

Ubuyozi bw’uru ruganda bwatangaje ko bukomeje kugirana ibiganiro na Leta ya Canada kugira ngo iki kibazo gishakirwe umuti, butangaza ko burimo no gukora ibishoboka byose kugira ngo umunsi wo kuwa gatanu bazitaba ubutabera uzagere batanze ibisobanuro kuri iki kibazo.

Ingaruka z’ibi bibazo bijyanye no guhumanya ikirere zimaze gutuma uruganda Volkswagen rutakaza agera kuri miliyari $30 arimo ibihano ndetse n’indishyi ku bakiriya barwo.

Volkswagen iramutse ihamijwe icyaha igahanwa sibwaba ari ubwambere iciwe umurengera w’amafaranga kuko no muri Werurwe 2017 yahamijwe  icyaha mu buryo nk’ubu na Leta zunze Ubumwe za Amerika  icibwa arenga miliyari 4.3 z’amadolari.

Uruganda Volkswagen rumaze kwandika amateka ku isi kuko ari rumwe mu nganda ziri gushakira igisubizo kirambye ikibazo cy’ihumana ry’ikirere riterwa n’imyuka isohorwa n’ibinyabiziga bikoresha amavuta mu mushinga warwo wo gukora imodoka zikoreshwa n’umurio w’amashanyarazi, zimwe muri izi modoka zikaba ziri gukorerwa hano mu Rwanda ari naho honyine zikorerwa muri Afurika.

Imodoka ya Volkswagen ikoreshwa n’umuriro w’amashanyarazi