October 16, 2021

Rwandanews24

Publishing Factual, verified and accurate stories

Indege ikoze impanuka igonga inzu ihitana abantu 25 barimo 7 bahiriye munzu I Goma/ Ivuguruye

YASUWE 38 

Indege ya kompanyi ya Busy Bee ifite izina rya Dornier-228 imaze guhanukira hafi y’ikibuga cy’indege cya Goma ubwo yerekezaga mu mugi wa Beni uri mu bilometero 380.

Amakuru dukesha Mediacongo  aravuga ko iyi ndege yari itwaye abantu 19 barimo abakozi bayo 2 yaguye mu giturage nk’uko byemezwa na Hertier Mamadou ukorera iyi kompanyi.

Aba ni bamwe mu baguye muri iyi mpanuka

Iyi mpanuka ngo yaguyemo abantu bagera kuri 20, ariko ngo iyi mibare ikaba ishobora kwiyongera  nk’uko meya w’umujyi wa Goma  Thimothée Muissa Kiesse yabitangarije AFP.

Amashusho yafashwe n’abari i Goma agaragaza ko iyi ndege yo mu bwoko bwa kajuguguju yagonze inzu, ihita igurumana. Bigaragara ko n’inzu yasenyutse nk’uko umunyamakuru wa Radio Virunga yo muri Congo yabitangarije Rwandanews24.

Ikibazo cy’ihanuka cy’indege muri iki gihugu bikavugwa ko biterwa n’ibibazo ziba zifite mu mikorere. Iguye ikurikira iyari itwaye ibikoresho bya Perezida Thisekedi wari umaze iminsi asura igice cy’uburasirazuba bw’igihugu.  Iyi yaguye mu ntara ya Maniema yari imaze hafi isaha iri mu kirere gusa hari amakuru yagaragaje ko ishobora kuba yararashwe.

Mu makuru y’aka kanya ya Radio Okapi aravuga ko abantu 18 bari mu ndege bose bapfuye, hiyongereyeho abandi 7 bari mu nzu indege yagwiriye, bagatwikwa n’umuriro. Abaguye muri iyi mpanuka bose ni 25.

Abaguye mu mpanuka bavanwaga mu bisigazwa by’indege n’inzu yahiye

Kanda hano urebe uko iyi ndege yahagurutse: https://twitter.com/maxbearak/status/1198527117463629824

Kanda hano urebe uko yaguye ikagurumana: https://twitter.com/amisi_yatuka/status/1198521227696132096