October 24, 2021

Rwandanews24

Publishing Factual, verified and accurate stories

Amakuru avuga ko nta mutekano I Bweyeye kubera igitero cyagabwe na FLN yanyomojwe

YASUWE 38 

Hari amakuru akomeje gucicikana ku mbuga nkoranyambaga avuga ko inyeshyamba z’umutwe wa FLN urwanya ubutegetsi bw’u Rwanda ku wa 8 Ugushyingo 2019 zagabye igitero ku birindiro by’ingabo z’u Rwanda mu gace ka Nyamuzi mu murenge wa Bweyeye. Umuvugizi w’igisikare cy’u Rwanda yavuze ko umutekano usesuye i Bweyeye. Gitifu nawe ati: “abaturage bose baratekanye, bari mu mirimo yabo nk’uko bisanzwe.”

Amafoto agaragara ku mbuga nkoranyambaga agaragaza imyambaro ya gisirikare, ibikapu, intwaro ndetse n’amakarita y’akazi, uyu mutwe uvuga ko ari ibyo wambuye ingabo z’ u Rwanda. Abayabonye bibaza niba atari ikoranabuhanga ryo gukora amafoto nka Photoshop FLN yakoresheje kugira ngo yiyitirire igikorwa na ko nk’uko byavuzwe n’abaturage ba Bweyeye batangaje ko aba bateye batamaze iminota irenze 30.

BBC ivuga ko yavuganye n’umuvugizi w’ingabo z’u Rwanda, Lt. Colonel Innocent Munyengango avuga ko atagira icyo atangaza kuri aya makuru ya FLN, gusa ngo agace ka Nyamuzi kavugwaho kugabwamo igitero karimo umutekano.

Herman Nsengimana umuvugizi w’izi nyeshyamba yabwiye BBC ko mu ijoro ryo kuwa gatanu taliki ya 8 Ugushyingo 2019  bagabye igitero mu gace ka Bweyeye, umurenge wo mu karere ka Rusizi wegereye ishyamba rya Nyungwe, ku birindiro by’ingabo z’u Rwanda.

Bwana Nsengimana yavuze ko bateye ibirindiro bya RDF biri ahitwa Nyamuzi muri Bweyeye bakirukana ingabo mu birindiro byazo ari naho bafatiye imyenda n’ibikoresho berekana.

Muri iyo mirwano avuga ko bishe abasirikare 20 ba RDF barimo abo berekana ku makarita, nabo umwe muri bo agapfa, akaba ari imirwano avuga  ko yamaze hafi amasaha 2.

Ibyo berekana ni ukuri?

Ati: “None urabihakana uhereye kuki? video wabonye n’imyenda ya RDF wabonye twambaye urakeka ko twaba twayikuye he? Biriya byangombwa, amakarita n’ibikoresho byabo urumva twarabikuye he?”

Nsengimana avuga ko bamaze kuvana RDF mu birindiro byabo nabo batabigumyemo bahise basubira mu byabo nyuma y’imirwano.

Avuga ko batwaye ibikapu birindwi birimo ibyangombwa n’imyambaro, ibikombe binini bitatu bibika amasasu n’imbunda umunani.

Lt Col Innocent Munyengango umuvugizi w’ingabo z’u Rwanda avuga ko ibishyirwa kuri social media ntacyo yabivugaho.

Avuga ko ibyo biri ku mbuga nkoranyambaga nawe yabibonye, ariko atarabona umuntu n’umwe bafashe mubo bavuga bafashe.

Col Munyengango ati: “Iyo hari icyabaye nitwe ba mbere tuvuga ibyabaye, tukavuga tuti habaye ibi byagenze bitya, iyo tutabikoze rero ni uko tutaba dushaka kuvuga kuri buri kintu cyose kigiye hanze”.

Aya makuru kandi aranyomozwa n’ Umunyamabanga nshingwabikorwa w’ umurenge wa Bweyeye avuga ko ibi bitangazwa na FLN ari ibinyoma. Muri iki gitondo taliki ya 12 Ugushyingo 2019, Mushimiyimana Janvier, Gitifu w’Umurenge wa Bweyeye yatangarije umunyamakuru wa bwiza.com ukorera i Rusizi ko umutekano ari wose ngetse akazi gakomeje mu baturage .

Ati” :Kuva cya gihe umutekano wifashe neza nta kibazo, abaturage bose baratekanye, bari mu mirimo yabo nk’uko bisanzwe, amasoko ararema nta kibazo, baricungira umutekano hakoreshejwe gukaza amarondo, nta kindi kibazo na gito gihari tubona kuko n’abari bagize ubwoba barahumurijwe,umutekano ucunzwe neza nta kibazo.”

Inkuru zabanje:  http://Rusizi: Abantu bitwaje intwaro bataramenyekana bateye mu murenge wa Bweyeye

http://Ubwoba ni bwose ku baturage begereye umupaka w’u Rwanda n’u Burundi nyuma yo kumva urusaku rw’amasasu

 

Inkuru zabanje: