October 26, 2021

Rwandanews24

Publishing Factual, verified and accurate stories

Ingabire Victoire ati: “ Twiteguye guhatana mu matora ya Perezida mu 2024”

YASUWE 34 

Umunyapolitiki Ingabire Victoire, utavuga rumwe n’ubutegetsi yatangaje ko atazigera arekeraho gushinga ishyaka rizatanga abakandinda mu matora y’umukuru w’igihugu ateganyijwe mu Rwanda mu 2024.

Ibi Ingabire Victoire yabitangarije mu kiganiro yagiranye n’ umunyamakuru w’Ijwi rya Amerika, Ruud Elmendorp, I Kigali mu Rwanda. Yavuze ko ishyaka rye, FDU-Inkingi, rifite abayoboke bahagije, ariko ritaremererwa gukorera mu Rwanda.

Ingabire Victoire aratangaza ko biteguye kuzahatana mu matora nyuma y’igihe gito afunguwe ku mbabazi za Perezida Kagame, nyuma yo kumara imyaka umunani muri gereza.

Ingabire Victoire kandi yatangaje ko yizeye ko ishyaka rye, FDU-Inkingi rizemererwa gukora ku gihe kugirango rizabashe guhatana na Perezida Kagame mu matora yo muri 2024.