October 24, 2021

Rwandanews24

Publishing Factual, verified and accurate stories

Nyarugenge: Umukambwe w’imyaka 85 yasambanyije umwana w’imyaka 7 y’amavuko

YASUWE 26 

Mu mudugudu wa Kagunga akagari ka Gasharu umurenge wa Rwezamenyo umusaza witwa Munyampanzi Dominique w’imyaka 85 yasambanyijeashe umwana w’imyaka irindwi (7) y’amavuko wabanaga na Nyirakuru.

Aya mahano yabaye kuri uyu wa Gatatu taliki 2 Ukwakira 2019 ahagana saa moya n’igice za mu gitondo, aho uyu musaza yaje gufata uyu mwana mwene Kubwimana Jean de Dieux na Tuyizere Chantal, ariko usanzwe abana na nyirakuru witwa Nakabonye Consiliya w’imyaka 62 y’amavuko.

Amakuru agera kuri rwandanews24, ni uko ifatwa rya Munyampanzi ryaturutse ku makuru yatanzwe n’abaturage nyuma nawe akimara gufatwa yiyemerera icyaha anagisabira imbabazi.
Umuvugizi w’urwego rw’ubugenzacyaha (RIB) Mbabazi Modeste yemeje aya makuru ko ariyo, ariko yirinda kugira byinshi ayavugaho. Yagize ati”ayo nimuyarekere ubugenzacyaha”.

Nyuma abo bombi ngo bahise bajyanwa kuri sitasiyo ya RIB mu murenge wa Rwezamenyo.