October 24, 2021

Rwandanews24

Publishing Factual, verified and accurate stories

Ubushinwa: Ishyaka rimwe rukumbi mu isabukuru y’imyaka 70: Ubukungu imbere, uburenganzira bwa muntu nyuma

YASUWE 18 

Kuri uyu wa kabiri taliki ya 1 Ukwakira 2019, Ubushinwa burimo  kwizihiza imyaka 70 y’ubutegetsi bw’ishyaka rya gikomunisiti, rimwe rukumbi muri iki gihugu kuko ridafite irindi rihanganye naryo.

Ubushinwa bwo muri iki gihe bwabayeho guhera mu mwaka wa 1949 nyuma y’aho iri shyaka ritsindiye intambara yo gusubiranamo kw’Abashinwa hagati yabo nyuma y’intambara ya kabiri y’isi.

Ishyaka rya gikomunisiti n’iryari ku butegetsi rya Kuomintang yombi yagiranye amasezerano y’amahoro nyuma y’intambara ya kabiri y’isi, ariko nyuma yaho aza gushyamirana.

Perezida Xi agenzura akarasisi

Nyuma y’aho Mao Zedong atsindiye Kuomintang ryari riyobowe na Chiang Kai-shek, abarigize bahise bahungira muri Taiwan, aho ryashinze leta ebyiri za ba mucyeba ziyitaga Ubushinwa nyakuri.

RFI dukesha iyi nkuru iratangaza ko uyu munsi w’igihugu w’Ubushinwa wizihizwa buri mwaka, ariko kuri iyi nshuro bwo ntibisanzwe. Kubera iki? Kuko ni yo sabukuru ya mbere ibayeho Ubushinwa ari igihugu gikize ku isi.

Mu myaka icumi ishize, Ubushinwa bwari igihugu gikize, ariko kikiyubaka, ariko kuri ubu bwo cyo na Leta Zunze Ubumwe z’Amerika rurageretse mu by’ubukungu.

Gutera imbere hirengagizwa uburenganzira bwa muntu?

Ariko ibyo ntibyagezweho gutyo gusa. Ubushinwa ni igihugu cy’ishyaka rimwe, ritihanganira abatavuga rumwe naryo.

Buzwi nka kimwe mu bihugu bya mbere bitubahiriza uburenganzira bwa muntu ku isi. Kigenzura abaturage bacyo mu buryo bukomeye, nk’ibyo biga mu ishuri, imyidagaduro ndetse n’ibyo bashobora kuvuga.

Bamwe mu bagize inzego z’umutekano biyereka mu karasisi ka gisirikare mu gace ka Tiananmen Square mu kwizihiza imyaka 70 Ubushinwa bw’ubu bubayeho

Ntibuzuyaza ku bagerageje kunenga leta, uburenganzira bwa muntu buza nyuma y’iterambere.

Mu gihe cya vuba gishize, isi yaguye mu kantu kubera inkuru y’ifungwa mu kivunge ry’abarimo abayisilamu b’aba Uighur, mu ntara ya Xinjiang. Ubushinwa buvuga ko burimo  kurinda ko havuka iterabwoba imbere mu gihugu, bukabikumira rero bushyiraho izi ngando zikorwa ku itegeko.