October 19, 2021

Rwandanews24

Publishing Factual, verified and accurate stories

Menya bimwe mu bidasanzwe byinshi ku isanduku bivugwa ko Mugabe yashyinguwemo, bimwe bitavugwaho rumwe

YASUWE 8 

Hashize iminsi havugwa byinshi byerekeye urupfu ndetse n’ishyingurwa by’umusaza Robert Mugabe wayoboye Zimbabwe, witabye imana mu minsi yashize. Byinshi byagiye bivugwa ndetse bikomeje kuvugwa cyane cyane amayobera yagiye agaragara ku masanduku yagaragaye bivugwa ko yashyinguwemo.

Umurambo wa Robert Mugabe wagejejwe mu gihugu cya Zimbabwe taliki ya 11 Nzeri 2019 aho yari ategerejwe n’abantu benshi cyane ku kibuga cy’indege I Harare.

Bimwe mu bikomeje kuvugwa ku isanduku yashyinguwemo ngo nuko iyi sanduku yashyinguwemo ikoranye ikoranabuhanga kuburyo abo mu muryango we bashobora kuzajya babasha kongera kumureba aho ari mu isanduku aho ari munsi y’ubutaka bakoresheje application bashyiriwe muri Telefone zabo, iyo application ikaba ikorana n’ibindi bikoresho by’ikoranabuhanga, birimo mudasobwa n’amakamera bikoze kuburyo bibemerera kureba muri iyo sanduku aho bari hose.

Gusa iby’iyi sanduku nta kuri kwabyo guhamye guhari kuko nubwo igaragazwa ntabwo bizwi neza koko ko ariyo Mugabe yashyinguwemo kuko ni ibintu bikigibwaho impaka n’abantu batandukanye bavuga ko ibi byaba ari ugukabya.

Bamwe mu baturage bavuga ko nta mpamvu umuntu nk’uyu wapfuye yatakazwaho amafaranga angana kuriya yakabaye afasha abandi babaye, dore ko abenshi banakomeje no kwijujutira ko Mugabe yasize Zimbabwe mu bukene.

Ikindi cyagarutsweho n’abantu benshi ni ikimenyetso  cyagaragaye ku yindi sanduku yari irimo umurambo wa Robert Mugabe.

Iyi sanduku yaje itwawe n’abantu benshi bakomeye gusa icyari gitangaje ni ikimenyetso cyari kiriho akenshi gikunze kugaragara ku makarito azamo ibintu bishobora kwangirika biramutse bicuritswe, aho kiba cyerekana uruhande rugomba kujya hejuru gikunze ku giherekejwe n’ijambo ‘This Side Up’.

Iki nacyo kiri mu byatunguye abantu benshi aho bamwe bibazaga niba ubwo uyu murambo wazanwaga harigeze kubaho ikosa isanduku bakayicurika. Abenshi bakomeje kwibaza ibya kiriya kimenyetso.

Byakomeje kuvugwa ko amasanduku mugabe yatwawemo yahinduwe inshuro nyinshi kuko no mu mashusho menshi urebye ubasha kubona nibura amasanduku  atandukanye:

Robert Mugabe yapfuye taliki ya 6 Nzeri 2019 mu bitaro byo muri Singapur, umurambo we wazanwe mu gihugu cya Zimbabwe taliki ya 11 Nzeri 2016 hataramenyekana neza aho azashyingurwa kuko umuryango we utahuzaga neza na Leta ku hantu agomba gushyingurwa, gusa baje kumvikana byemezwa ko azashyingurwa mu irimbi ry’intwari rishyingurwamo izindi ntwari z’igihugu.